Türkiyәdә sәfәrdә olan Malta prezidenti Fuad Oqtay ilә görüşüb

Malta prezidenti Marie Luse Kolero Presa (Marie Louise Coleiro Preca) prezident Rәcәb Tayyib Әrdoğanın dәvәti ilә Türkiyәyә sәfәr edib.

Qonaq prezident sәfәri çәrçivәsindә ilk olaraq prezident kömәkçisi Fuad Oqtay ilә bir araya gәlib.

Fuad Oqtay vә Marie Luse Kolero Presa  Türkiyә-Malta Biznes Forumundan әvvәl tәkbәtәk görüş keçirib.

Mәlumata görә, görüş 40 dәqiqә davam edib vә mәtbuata qapalı keçirilib.

Marie Luse Kolero Presa İstanbulda keçirilәcәk  iclas çәrçicәsindә  iki ölkәnin aparıcı biznes dairәlәrinin nümayәndәlәri vә investorlarla bir araya gәlәcәk.

Prezident Aparatının mәtbuat xidmәtindәn verilәn mәlumata әsasәn, rәsmi sәfәr çәrçivәsindә keçirilәcәk görüşlәrdә  ikitәrәfli münasibәtlәrin bütün aspektlәri, müxtәlif sahәlәrdә әmәkdaşlığın güclәndirilmәsi üçün atılacaq addımlar müzakirә olunacaq.

Görüşlәrdә hәmçinin Türkiyәnin Avropa İttifaqına tam hüquqlu üzvlük prosesi, regional vә beynәlxalq mәsәlәlәr әtrafında fikir mübadilәsinin aparılması nәzәrdә tutulur.

Qeyd edәk ki, bu Maltadan Türkiyәyә prezident sәviyyәsindә ilk rәsmi sәfәrdir.