Türkiyə Qabondakı dövlət çevrilişinə cəhdi qınadı

Türkiyə Xarici İşlər Nazirliyi Qabonda dövlət çevrilişinə cəhdi qınayıb.

XİN-nin yaydığı məlumatda Ankaranın seçki yolu ilə hakimiyyətə gələn iqtidarın qeyri-qanuni yollarla dəyişdirilməsinə qarşı olduğu vurğulanıb.

XİN hərbi çevrilişlə hakimiyyətə gəlmək üçün edilən bütün təşəbbüsləri pislədiyini bəyan edib.

Qeyd edək ki, Afrika ölkəsi Qabonda hərbi çevrilişə cəhd edilib. Qiyam qaldıran hərbçilər isə həbs olunub.