Terror təşkilatı ilə mübarizədə başqa terror təşkilatından istifadə etmək ağlasığan iş deyil
Bunu Türkiyə Böyük Millət Məclisinin sədri Binəli Yıldırım Amerika Birləşmiş Ştatlarının terror təşkilatı PYD / YPG-yə olan dəstəyinə reaksiya olaraq söylədi.
![Terror təşkilatı ilə mübarizədə başqa terror təşkilatından istifadə etmək ağlasığan iş deyil](http://cdn.trt.net.tr/images/xlarge/rectangle/de81/2000/dbb7/5c0b9aef5950d.jpg?time=1718877573)
Türkiyə Böyük Millət Məclisinin sədri Binəli Yıldırım İranda Amerika Birləşmiş Ştatlarının terror təşkilatı PYD / YPG-yə olan dəstəyinə reaksiya göstərdi.
Binəli Yıldırım İranın paytaxtı Tehranda keçirilən parlament sədrlərinin "Terrorla mübarizə və regional əməkdaşlığın inkişafı” mövzulu 2-ci konfransında iştirak etdi.
Konfransda çıxış edən məclis sədri: "Terror təşkilatı ilə mübarizədə başqa bir terror təşkilatından istifadə etmək ağlasığan iş deyil" dedi.
Konfransda açılış nitqi ilə çıxış edə İran prezidenti Həsən Ruhani də Amerika Birləşmiş Ştatlarının ölkəsinə qarşı embarqo tətbiqini tənqid etdi.
Bu arada, İran Xarici İşlər naziri Məhəmməd Cavad Zərif konfransdan əvvəl verdiyi açıqlamada ABŞ-ın region ölkələrinə ehtiyaclarından çox silah satdığını söylədi.
Zərif: "Bu, ABŞ-ın regionda çox təhlükəli siyasət yürütdüyünün göstəricidir və bu siyasət regionu sülh və təhlükəsizliyə heç bir fayda verməyən, dağıdıcı bir silahla doldurulmuş barıt çəlləyinə çevirib" dedi.
İranın Xarici İşlər naziri Vaşinqtonun bölgəyə müxtəlif bəhanələrlə silah göndərdiyini söyləyərək: "Amerikalıların silahları Yəməndə Əl-Qaidə və Suriyada DEAŞ-ın əlinə keçdi. Bunu Avropa qəzetlərində oxuduq. Belə bir vəziyyət bizim təhlükəsizliyimizi davamlı şəkildə təhdid edir" dedi.
Tehranda Türkiyə, İran, Rusiya, Çin, Pakistan və Əfqanıstanın iştirakı ilə təşkil edilən konfransda İran, Rusiya və Türkiyənin Suriyadakı müvəffəqiyyətli əməkdaşlığına də diqqət çəkildi.
Әlaqәli Xәbәrlәr
![Türkiyə prezidenti ilə Ermənistan Baş naziri arasında telefon danışığı oldu](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718877574)
Türkiyə prezidenti ilə Ermənistan Baş naziri arasında telefon danışığı oldu
Türkiyə Prezident Administrasiyası İctimaiyyətlə Əlaqələr Departamentinin məlumatına görə ...
![Türkiyə Azərbaycanın gələcəyinə təmiz nəfəsi artırır](http://cdn.trt.net.tr/images/medium/rectangle/6e67/9b77/98a9/66716af7bff4b.jpg?time=1718877574)
Türkiyə Azərbaycanın gələcəyinə təmiz nəfəsi artırır
Göndərilən tinglər Qarabağ və paytaxt Bakıda torpağa qovuşacaq