Türkiyə hərbçilərinin İraqda və Suriyada qalma müddəti uzadılıb
Bu barədə Türkiyə Böyük Millət Məclisi (TBMM) qərar qəbul edib.
![Türkiyə hərbçilərinin İraqda və Suriyada qalma müddəti uzadılıb](http://cdn.trt.net.tr/images/xlarge/rectangle/958a/0b80/06bb/5afc717b9fedc.jpg?time=1718783541)
Türkiyə Silahlı Qüvvələrinin İraqda və Suriyada olan hərbçilərinin qalma müddəti daha bir il uzadılıb.
Bu barədə Türkiyə Böyük Millət Məclisi (TBMM) qərar qəbul edib.
İclasda çıxış edәn Türkiyə Böyük Millət Məclisinin Milli Müdafiə Komissiyasının sədri və Әdalәt vә İnkişaf Partiyasının Sivas üzrә millәt vәkili İsmət Yılmaz Türkiyənin uzun zamandır terrorla mübarizə apardığını qeyd edib.
Dəyişən və artan ekoloji çətinliklərə baxmayaraq terrorla mübarizənin qәtiyyәtli şəkildә davam etdirildiyini bildirәn İsmәt Yılmaz: "Türkiyә terrora qarşı mübarizәsini qәtiyyәtlә davam etdirәcәk. İraq və Suriyadakı qeyri-sabit siyasi mühitdən istifadә edәrәk ölkəmizin cənub sərhədlərində terrorçuların mövcudluğuna, onlara tәlim keçilmәsinә vә terror hücumlarının törәdilmәsinә icazә verilmәyәcәk’’ deyә qeyd edib.
İsmәt Yılmaz bildirib ki, son dövrdə Türkiyənin cənub sərhədlərində baş verən proseslər qanun layihәsinin dәstәklәnmәsinin nә dәrәcә әhәmiyyәtli olduğunu bir daha göstәrdi.
Yılmaz hәmçinin vurğulayıb ki, İraqdakı qeyri-sabitlik terror təşkilatı PKK-nın bölgədəki mövcudluğunu davam etdirməsini və Suriya üzərindən əldə etdiyi silahlarla Türkiyədə terror aktları törәtmәsini asanlaşdırır.
‘‘Terror tәşkilatı PKK İraq tәhlükәsizlik qüvvәlәrinin nәzarәtindәki bölgәlәrdә mövcudluğunu davam etdirir. İraq hökumətindən dünən olduğu kimi bu gün də gözləntimiz terror təşkilatı PKK-nın İraq torpaqlarındakı mövcudluğunun sona çatdırılması üçün ölkəmizlə əməkdaşlıq etməsidir. İraq hökuməti və İraqın Kürd Regional Rəhbərliyinin PKK terror təşkilatına qarşı lazımi addımlar atmaması Şimali İraqdan ölkəmizə yönələn terror təhdidinin və terror hücumlarının davam etmәsinә sәbәb olur’’ deyә Türkiyə Böyük Millət Məclisinin Milli Müdafiə Komissiyasının sədri və Әdalәt vә İnkişaf Partiyasının Sivas üzrә millәt vәkili İsmət Yılmaz vurğulayıb.
Әlaqәli Xәbәrlәr
![Türkiyə prezidenti ilə Ermənistan Baş naziri arasında telefon danışığı oldu](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718783541)
Türkiyə prezidenti ilə Ermənistan Baş naziri arasında telefon danışığı oldu
Türkiyə Prezident Administrasiyası İctimaiyyətlə Əlaqələr Departamentinin məlumatına görə ...
![Türkiyə Azərbaycanın gələcəyinə təmiz nəfəsi artırır](http://cdn.trt.net.tr/images/medium/rectangle/6e67/9b77/98a9/66716af7bff4b.jpg?time=1718783541)
Türkiyə Azərbaycanın gələcəyinə təmiz nəfəsi artırır
Göndərilən tinglər Qarabağ və paytaxt Bakıda torpağa qovuşacaq