Türkiyə Əfqanıstandakı hücumu qınadı

  Əfqanıstanın paytaxtı Kabildə dünən - iyunun 3-ü gün baş verən, səkkiz nəfərin ölümünə səbəb olan hücumu pisləyərək ölkəyə başsağlığı verən Türkiyənin Xarici İşlər Nazirliyi hücuma dair yazılı bəyanat verib.

  Bəyanatda bildirilir: “Kabildə din alimlərinin toplantısı zamanı təşkil edilən bombalı hücum nəticəsində həlak olan və yaralananların olduğunu öyrənincə kədərləndik. Sözügedən terror hücumunu qınayır, həyatını itirənlərə Allahdan rəhmət, dost Əfqanıstan xalqı və hökumətinə başsağlığı, yaralananlara şəfalar diləyirik".