B.Bozdağ Zeytun Budağı Hərəkatıyla bağlı dedi...

  Türkiyə Baş nazirinin müavini Bəkir Bozdağ Suriyanın Afrin bölgəsində separatçı terror təşkilatı PKK/KCK/PYD-YPG və DEAŞ üzvlərini  zərərsizləşdirmək, dost və qardaş bölgə xalqını təzyiq və zülmdən xilas etmək üçün Türkiyə Silahlı Qüvvələrinin yanvarın 20-də başladığı Zeytun Budağı Hərəkatında bu ana qədər 2795 terrorçunun məhv edildiyini bildirib.

  Nazirlər Kabineti toplantısından sonra Zeytun Budağı Hərəkatıyla bağlı deyib: “Hərəkat bölgəsinin yarıya yaxını TSQ-nın nəzarəti altına keçib… Bu günə qədər 112 kənd, 30 strateji nöqtə olmaqla 142 bölgə nəzarətə alınıb… Onu da qeyd edim ki, bu günə qədər terror təşkilatı DEAŞ-ın Türkiyədə 20 terror aktı həyata keçirib, bu hücumlarda 310 adam həyatını itirib, 967 nəfər yaralanıb… 2011-2018-ci illər arasında Türkiyədə 4043 DEAŞ terrorçusu həbs olunub. Bunun 1858-i xarici vətəndaşlardır."