Rəcəb Tayyib Ərdoğanla İran prezidenti Həsən Ruhani arasında telefon danışığı oldu

Türkiyənin dövlət başçısı Rəcəb Tayyib Ərdoğanla İran prezidenti Həsən Ruhani arasında telefon danışığı oldu.
Liderlər Afrin və İdlib başda olmaqla, Suriyadakı hadisələrin son inkişafı haqqında fikir mübadiləsi apardılar.
Ərdoğan və Ruhani terrorçulara qarşı mübarizədə əməkdaşlığın əhəmiyyətini də vurğuladılar.
Ölkə başçıları Suriya məsələsinə həll axtarışları çərçivəsində Astana danışıqlarının və Soçi Konqresinin roluna toxundular.
Türkiyənin dövlәt başçısı İranda sərnişin təyyarəsinin qəzaya uğraması nəticəsində həlak olanların ailələrinə və bütün İran xalqına başsağlığı verdi.