Türkiyədə yeni il qeyd olundu

Türkiyədə vətəndaşlar yeni ili İstanbul, Ankara, İzmir kimi böyük şəhərlər başda olmaqla müxtəlif şəhərlərdə coşğu ilə qarşıladı.

Ankaralılar 2018-ci ili şəhərin mərkəzində yerləşən Güvənparkda toplaşaraq qeyd etdilər.

İstanbulda isə taksim meydanında və ətrafında bir araya gələn xeyli sayda vətəndaş yeni ili birlikdə qarşıladı.

İzmirdə də yeni il coşğu ilə qeyd olundu, vətəndaşlar sənətçi Mirkəlam və Kargo qrupunun konsertilə yeni ili salamladı.

Muğlanın ən önəmli turizm mərkəzlərindən Bodrum və Marmarisdə də vətəndaşlar şaxtalı havaya baxmayaraq süni qar altında və atəşfəşanlıqla meydanlarda yeni ili qarşıladılar.

Dünyada da yeni il müxtəlif tədbirlərlə qeyd olundu.