Rəcəb Tayyib Ərdoğan Şırnaka səfər edib

Türkiyə prezidenti Rəcəb Tayyib Ərdoğan partiyasının Şırnak şəhərində keçirilən konqresində çıxış edib.

Dövlət başçısı çıxışı zamanı bildirib ki: ‘‘İlk  qibləmiz olan Qüdsü işğalçıların, əli qanlı qatillərin insafina tərk etməyəcəyik.Qüdsün tarixi statusunun dəyişdirilməsinə əsla razı olmayacağıq’’.

Ərdoğan çıxışında ABŞ-ın Qüdsü İsrailin paytaxtı olaraq tanıma qərarı və İsrail qüvvələrinin fələstinlilərə qarşı sərt müdaxiləsini qiymətləndirib.

Dövlət başçısı İsrail qüvvələrinin Qüdsə dəstək aksiyası keçirən əlillərə, daun sinromlu fələstinlilərə və azyaşlı uşaqlara hücum etdiyini söyləyib.