PKK-ya məxsus 41 hədəf məhv edildi

Türkiyə Silahlı Qüvvələri İraqın şimalındakı Asos bölgəsində terror təşkilatı PKK-ya məxsus 41 hədəfi dünən həyata keçirdiyi hava əməliyyatı nəticəsində məhv etmişdir.

Baş Qərargah Rəisliyinin açıqlamasına əsasən, İraqın şimalında yerləşən Asos bölgəsinə istiqamətli dünən gecə saatlarında geniş miqyaslı hava əməliyyatı həyata keçirilərək terror təşkilatına ağır zərbə endirilib.

Türkiyə Hava Qüvvələri Komandirliyinə məxsus döyüş təyyarələri Asos bölgəsində terror təşkilatına aid olduğu aşkarlanan başda sığınacaq yerlər və tunellər olmaqla 41 hədəfi məhv edib.

Əməliyyatda iştirak edən döyüş təyyarələri və pilotsiz hava aparatları əmin-amanlıq içində bazalarına qayıdıblar.