Türkiyə və İraq Silahlı Qüvvələrinin birgə təlimləri davam edir

Türkiyə Silahlı Qüvvələrinin (TSQ) Şırnak vilayətinin Silopi qəsəbəsindəki Habur sərhəd-keçid məntəqəsi yaxınlığında sentyabrın 18-də başlatdığı hərbi təlim iraqlı hərbçilərin iştirakı ilə davam edir.
Tәlimlәr  İraq sərhədindəki Habur Sərhəd Qapısına təxminən 3 kilometr məsafədə yerləşən sahədə keçirilir.

Türkiyə Silahlı Qüvvələrinin Baş Qərargahının məlumatında TSQ tərəfindən sentyabrın 18-dən başlanan hərbi təlimin üçüncü mərhələsinə sentybrın 26-da start verildiyi, təlimin bu mərhələsinin bölgəyə daxil olan İraq Silahlı Qüvvələrinə bağlı hərbi dəstə və ünsürlərin iştirakı ilə birgə davam etdiriləcəyi bildirilmişdi.