“İraq Kürd Regional İdarənin keçirəcəyi referendumun nəticəsinin heç bir hökmü yoxdur”

Türkiyə Xarici İşlər Nazirliyi İraq Kürd Regional İdarənin keçirəcəyi referendumun nəticəsi baxımından heç bir hökmünün olmadığını bəyan etdi.

Xarici İşlər Nazirliyinin bəyanatında bildirilib ki, İraq Kürd Regional İdarənin bugün keçirəcəyi referemdum nəticələri baxımından hökmsüzdür. Referemdum hüquq baxımından əsassızdır və  qanunilikdən məhrum addımdır.

Bəyanatda referendumdan sonrakı dövrdə ortaya çıxacaq mühitdən sui-istifadə edə biləcək bəzi radikal ünsürlərin və terrorçuların milli təhlükəsizliyimizi hədəf götürəcək hücumlara təşəbbüs etməsi halında və İraq miqyasında milli təhlükəsizliyimizə istiqamətli hər təhdid qarşısında beynəlxalq hüquqa və Türkiyə Böyük Millət Məclisinin verdiyi səlahiyyətə əsaslanan bütün tədbirlərin görüləcəyi bir daha vurğulanıb.