Son bir həftədə 60 terrorçu  məhv edildi

Türkiyə Silahlı Qüvvələrinin Şırnak, Hakkari, Diyarbəkir, Bingöl, Əlazığ, Mardin və Siirt ərazilərində həyata keçirdiyi əməliyyatlarda xeyli sayda silah-sursat və partlayıcı maddə ələ keçirildi. Terrorçuların istifadə etdiyi 52 sığınacaq yer, mağara və anbar dağıdıldı.

PKK-nın maliyyə mənbələrinə qarşı həyata keçirilən əməliyyatlarda da xeyli miqdarda narkotik maddə ələ keçirildi.

Serhəd məntəqələrindən qeyri-qanuni yollarla keçməyə cəhd göstərən 5 min 617 nəfər yaxalandı.

Xüsusilə Şırnaq şəhəri başda olmaqla ölkənin şərq vilayətlərində həyata keçirilən geniş dairəli əməliyyatlarda ələ keçirilən sila-sursat ilə məhv edilən terrorçulara görə PKK-nın üzərindəki təzyiqin artdığı və gücünü itirməkdə davam etdiyi və çətin vəziyyətdə olduğu bildirilib.

Suriyanın şimalında həyata keçirilən əməliyyat çərçivəsində isə Azəz və Cerablus arasında yerləşən 243 yaşayış məntəqəsi ilə 2 min 15 kilokvadratmetrlik sahəyə nəzarət ələ keçirilib.

Əl Bab qəsəbəsinin mərkəzi ilə yanaşı Kabbasin və Bzagah bölgələrində partlayıcı və mina axtarış-təmizləmə fəaliyyətləri davam etdirilib. PKK/PYD mənsubu terrorçuların Afrindən şərqə, Münbiçdən qərbə ola biləcək hücumlarının qarşısının alınması üçün görülən tədbirlərin də davam etdiyi bildirilib.