“Yoldaşlarınız terrorçulara ən ağır cəzanı verdi”, S.Soylu

  Türkiyənin Ağrı şəhər Jandarma Özəl Hərəkat qüvvələri tərəfindən separatçı terror təşkilatı PKK-ya qarşı əməliyyatda 29 terrorçu zərərsizləşdirilib.

  Vanın Tendürek çölündə terrorçular yolu kəsərək maşını alovlandırdıqdan sonra əməliyyat başlayıb. İzlənilən terrorçularla çıxan qarşıdurmada 3 əsgər və 1 meşəbəyi şəhid olub, 4 əsgər yaralanıb. Təhlükəsizlik qüvvələri terrorçuları sona qədər təqib edib, PKK-nın 29 terrorçusunu zərərsizləşdirib.

  Hakkarinin Şəmdinli qəsəbəsinin Koçtepe tərəfində də terrorçularla qarşıdurma yaranıb, bir əsgər şəhid olub, iki terrorçu susdurulub.

  İraqın şimalındakı Metina bölgəsinə təşkil edilən hava hərəkatında isə 6 terrorçu zərərsizləşdirilib.

  Beləliklə, Ağrı, Hakkari və Şimali İraqda ümumi halda 37 terrorçu zərərsizləşdirilib.

  Türkiyənin Daxili İşlər naziri Süleyman Soylu ictimai media üzərindən şəhidlərlə bağlı bu sözləri paylaşıb: "Tendürek şəhidləri, qanınız yerdə qalmadı: bu gün yoldaşlarınız terrorçulara ən ağır cəzanı verdi, ruhunuz şad olsun..."