İbrahim Kalın R.T. Әrdoğan vә D.Tramp arasında baş tutan görüşә dair mәlumat verib

Türkiyә Prezident Aparatının sözçüsü İbrahim Kalın dövlәt başçısı Rәcәb Tayyib Әrdoğan vә ABŞ prezidenti Donald Tramp arasında baş tutan görüşdә PKK ilә DEAŞ başda olmaqla terror tәşkilatlarıyla  mübarizә mәsәlәsinin müzakirә olunduğunu deyib.

İbrahim Kalın dövlәt başçısı Rәcәb Tayyib Әrdoğanın  dünәn Donald Trampla Ağ Evdә tәkbәtәk vә heyәtlәrarası keçirdiklәri görüşlәri ilә bağlı mәlumat verib.

Prezident Aparatının sözçüsü görüşlәrdә Türkiyә-ABŞ münasibәtlәrinin strateji әhәmiyyәtinin vurğulandığını qeyd edib.

İqtisadiyyat, ticarәt vә müdafiә sahәlәrindә atılacaq addımların qiymәtlәndirildiyini bildirәn İbrahim Kalın: ‘‘PKK vә DEAŞ başda olmaqla terror tәşkilatlarıyla mübarizә mәsәlәsi müzakirә olunub’’ deyib.

İbrahim Kalın görüşdә hәmçinin Fәtullahçı Terror Tәşkilatına (FETÖ) qarşı atılacaq addımlar, İraq vә Suriyadakı proseslәrin dә müzakirә olunduğunu vurğulayıb.