Ərdoğan:"Biz dost və qardaş ölkələrin başında xalqına xidmət edən rəhbərlərin olmasını istəyirik"
Bu sözləri Türkiyə prezidenti Rəcəb Tayyib Ərdoğan rəsmi səfərlə getdiyi Küveytdə dilə gətirdi.
Türkiyə prezidenti Rəcəb Tayyib Ərdoğan Kuveyt Beynəlxalq Hava Limanının yeni terminal binasının təməlqoyma mərasimində çıxış edərək:"Biz dost və qardaş ölkələrin başında xalqına zülm edən deyil, xalqına xidmət edən rəhbərlərin olmasını istəyirik. Könlümüzün ayrılmaz bir hissəsi kimi gördüyümüz ölkələrin zalımlar tərəfindən məhvinə deyil, iradəli və ədalətli liderlər tərəfindən abadlığına şahidlik etmək istəyirik" dedi.
"Dünyanın əmin-amanlığı regionun sabitliyinə, regionumuzun sabitliyi da bizim qətiyyətli mövqeyimizə bağlıdır" deyən Ərdoğan: "Türkiyə və Kuveytin bölgəmizdəki problemlərin həlli stiqamətindəki əməkdaşlığı, qəlbimizi yaralayan hadisələrin qarşısının alınmasını təmin edəcək, mühüm irəliləyişlərin qapısını açacaqdır" şəklində danışdı.
Türkiyə prezidenti Küveyt Əmiri Şeyx Sabah əl-Əhməd əl-Cabir əl-Sabah ilə görüşdü.
Görüşdə Küveyt ilə ikitərəfli əlaqələr, regional və beynəlxalq məsələlər müzakirə olundu.
Sonra dövlət başçısı və onu səfərdə müşayiət edən xarici işlər naziri Mövlud Çavuşoğlu, iqtisadiyyat naziri Nihat Zeybəkci, enerji və təbii qaynaqlar naziri Berat Albayrak, nəqliyyat, dənizçilik və kommunikasiya naziri Əhməd Arslan Ankaraya döndülər.
Әlaqәli Xәbәrlәr
Türkiyə Azərbaycanın gələcəyinə təmiz nəfəsi artırır
Göndərilən tinglər Qarabağ və paytaxt Bakıda torpağa qovuşacaq
“Türkiyə gələcək nəsillərə ekoloji cəhətdən təmiz ölkə ötürmək üçün çalışır”, R.T.Ərdoğan
“Ətraf mühitin qorunması üçün qəti addımlar davam etdiriləcək”, - deyə Ərdoğan əmin edib