"Biz dünyanın ən bahalı ərazilərində yaşayırıq",S.Soylu

Daxili işlər naziri Süleyman Soylu Türkiyə hökumətinin qətiyyətli addımları, təhlükəsizlik qüvvələrinin göstərdiyi cəsarət və millətin ortaya qoyduğu etimadla terror təşkilatı PKK-nın kökünü kəsəcəklərini söyləyib.

Nazir Tunceli şəhərində keçirdiyi bir sıra görüşləri zamanı deyib ki, biz dünyanın ən bahalı ərazilərində yaşayırıq. Bizim ərazimizin qiymətini düşürüb əlimizdən almaq, onu idarəolunmaz hala gətirmək istəyirlər. Nə üçün? Bir tərəfdən Orta Şərqin nefitini, digər tərəfdən Qafqazların neftini, Uzaq Şərqə və Afrikaya Avropaya gedib çıxan Müasir İpəkyolunun mərkəzində yerləşən ölkəmizi bu millətin idarə etməsini istəmirlər.

Türkiyənin coğrafi üstünlüklərindən bu millətin istifadə etməsini istəməyən bəzi qüvvələrin, ölkənin enerjisini terrorla bitirmək istədiklərini vurğulayan Süleyman Soylu terrorun kökünü kəsməkdə qətiqqətli olduqlarını söyləyib.