Türkiyə Qara Dəniz İqtisadi Əməkdaşlıq Təşkilatının dönəm sədri oldu

  Qara Dəniz İqtisadi Əməkdaşlıq Təşkilatının dönəm sədrliyi yanvarın 1-dən etibarən Türkiyəyə keçdi.

Türkiyənin dönəm sədrliyi ərzində bölgə ölkələrinin dövlət və hökumət başçılarının iştirak edəcəyi toplantının keçiriləcəyi nəzərdə tutulur.

Altı aylıq dövrdə ticarət və kənd təsərrüfatı sahəsində əməkdaşlığa ağırlıq veriləcək.

Türkiyənin rəhbərliyi ilə 1992-ci ildə yaradılan Qara Dəniz İqtisadi Əməkdaşlıq Təşkilatının 12 üzvü var.

Təşkilatın məqsədi Qara dəniz hövzəsindəki ölkələr arasında ticari əməkdaşlığı inkişaf etdirməkdir.