Əfqanıstan Təhsil Nazirliyi TİKA-ya təşəkkür etdi
Əfqanıstan Təhsil Nazirliyi Türk Əməkdaşlıq və Koordinasiya Agentliyinə (TİKA) təşəkkür etdi.
![Əfqanıstan Təhsil Nazirliyi TİKA-ya təşəkkür etdi](http://cdn.trt.net.tr/images/xlarge/rectangle/b33f/f26f/6dc6/584e818e90481.jpg?time=1718837188)
TİKA Əfqanıstanda bu il dəstəklədiyi "Bacarıqların İnkişaf Etdirilməsi" proqramı çərçivəsində 2 min 200 əfqan müəllimə təlim kursu keçdi.
"Bacarıqların İnkişaf Etdirilməsi" proqramının bağlanış mərasiminin fəxri qonağı Əfqanıstan təhsil naziri Asadullah Hənif Balkh verdiyi dəstəyə görə Türkiyəyə təşəkkür etdi.
Balkh bu dəstəyə görə Əfqan xalqının minnətdarlığının rəmzi olaraq hazırlanan "Təşəkkürnamə"ni TİKA-nın Əfqanıstan koordinatoru Süleyman Şahinə təqdim etdi.
Mərasimdə kursun ən uğurlu tələbələrinə sertifikatları Əfqanıstanın təhsil naziri və TİKA-nın Əfqanıstan koordinatoru verdilər.
Mərasimdən sonra Əfqanıstan təhsil naziri TİKA tərəfindən inşa olunan və 1500 qız tələbənin təhsil alacağı Qızlar İnstitutunun korpusları ilə tanış oldu.
Qeyd edək ki, Türkiyə ilə tarixi və mədəni bağları olan Mərkəzi Asiya, Qafqaz, Qara dəniz və Balkan ölkələrinə inkişaflarında dəstək verməyi qarşısına məqsəd qoyan TİKA 1992-ci ildə yaradılıb.
Təxminən 100 ölkədə xidmət edən, Türkiyə Respublikasının yeganə texniki yardım təşkilatı olan TİKA Mərkəz Təşkilatına əlavə olaraq, 48 ölkədə yerləşən 50 Proqram Koordinasiya Ofisi ilə çox geniş bir coğrafiyada və bütün sektorlarda işlərini davam etdirir.
Әlaqәli Xәbәrlәr
![Türkiyə prezidenti ilə Ermənistan Baş naziri arasında telefon danışığı oldu](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718837189)
Türkiyə prezidenti ilə Ermənistan Baş naziri arasında telefon danışığı oldu
Türkiyə Prezident Administrasiyası İctimaiyyətlə Əlaqələr Departamentinin məlumatına görə ...
![Türkiyə Azərbaycanın gələcəyinə təmiz nəfəsi artırır](http://cdn.trt.net.tr/images/medium/rectangle/6e67/9b77/98a9/66716af7bff4b.jpg?time=1718837189)
Türkiyə Azərbaycanın gələcəyinə təmiz nəfəsi artırır
Göndərilən tinglər Qarabağ və paytaxt Bakıda torpağa qovuşacaq