"Mavi Mərmərə" gəmisi ilə bağlı məhkəmə işlərinə xitam verildi

 "Mavi Mərmərə" gəmisinə Aralıq Dənizinin beynəlxalq sularında təşkil olunan hücuma dair, aralarında o dövrdə İsrail Silahlı Qüvvələrinin Baş Qərargahının rəisi Rau Aluf Gabiel Ashknazinin də olduğu 4 müttəhimin mühakimə olunduğu məhkəmə prosesinin dayandırılması, müttəhimlər haqqında qiyabi həbs qətimkan tədbiri qərarının ləğv olunması barədə hökm verildi.

Xatırladaq ki,Türkiyə ilə İsrail arasında münasibətlər 2010-cu il mayın 31-də kəsilib. Həmin dövrdə Fələstinin Qəzza bölgəsinə humanitar yardım aparan Türkiyənin "Mavi Mərmərə" gəmisinə İsrail hərbçiləri basqın edib. Nəticədə Türkiyənin 9 vətəndaşı öldürülüb.

Bu il iyunun 29-da İsrail hökuməti Türkiyə ilə normallaşma razılaşmasını təsdiqləyib. İsrail dövləti baş verən hadisə ilə bağlı Türkiyədən üzr istəyib. Bu il avqustun 20-də isə Türkiyə parlamenti rəsmi Ankara və Təl-Əviv arasında münasibətlərin normallaşdırılması ilə bağlı razılaşma sənədini təsdiqləyib. Sənədə əsasən, İsrail Türkiyəyə 25 gün ərzində 20 milyon dollar məbləğində təzminat ödəyəcək. Anlaşmaya görə, İsrail hərbçiləri hüquq və cəza məsuliyyətindən azad ediləcəklər. Eyni zamanda, İsrail Fələstinə humanitar yardımın göndərilməsi ilə bağlı tətbiq etdiyi embarqonu yumşaldacaq.

İsrailin Türkiyədəki səfiri postuna Eytan Naeh təyin edilib. O, dekabrın 5-də etimadnaməsini Türkiyə prezidenti Rəcəb Tayyib Ərdoğana təqdim edib. Mustafa Kamal Ökəm isə Türkiyənin İsraildəki səfiri vəzifəsinə təyinat alıb. O, dekabrın 12-də etimadnaməsini İsrail prezidenti Reuven Rivlinə təqdim edəcək