Layihə parlament tərəfindən qəbul ediləcəyi təqdirdə ümummilli səsverməyə çıxarılacaq

Türkiyə konstitusiyasına dəyişikliklər paketi Ədalət və İnkişaf Partiyasının tərəfindən müzakirə olunması üçün Böyük Millət Məclisinə təqdim edilib.  

Qeyd edək ki, konstitusiyaya əsas dəyişiklik ölkənin parlament sistemindən prezident idarəetmə sisteminə keçidi və baş nazir postunun ləğv edilməsini nəzərdə tutur.

Layihə həmçinin, prezidentə partiya üzvlüyünü saxlanılmasını, qanunverici və icra səlahiyyətlərinin genişləndirilməsini, habelə Nazirlər Kabinetini formalaşdırmaq hüququnun verilməsini nəzərdə tutur.

Dəyişikliklər həmçinin millət vəkillərinin sayını 550-dən 600-dək artırılmasını və namizədlərin minimal yaş həddinin 18 yaşadək endirilməsini nəzərdə tutur. 

Qanun layihəsi Məclisində tərəfindən qəbul ediləcəyi təqdirdə ümummilli səsverməyə çıxarılacaq. Dəyişikliklər paketinin dəstəklənəcəyi halda referendumun 2017-ci ilin yazında keçirilməsi mümkündür.     

Dəyişikliklər referendum zamanı dəstəklənərsə, təkliflərin bir qismi səsvermədən dərhal sonra qüvvəyə minəcək. Prezident idarəetmə sisteminə keçidi nəzərdə tutan müddəanın isə yalnız  2019-cu ildə - növbəti prezident seçkilərindən sonra qüvvəyə minməsi mümkündür.