Mövlud Çavuşoğlu Rusiyanın ‘’Sputnik’’ xәbәr agentliyinә müsahibә verib
Türkiyənin Xarici İşlər naziri Mövlud Çavuşoğlu Suriyadakı böhranın beynəlxalq arenada səmimi əməkdaşlıqla həll oluna biləcəyini, Rusiyanın köməyi olmadan daimi həllin olmayacağını deyib.
Türkiyənin Xarici İşlər naziri Mövlud Çavuşoğlu Suriyadakı böhranın beynəlxalq arenada səmimi əməkdaşlıqla həll oluna biləcəyini, Rusiyanın köməyi olmadan daimi həllin olmayacağını deyib.
Rusiyanın ‘‘Sputnik’’ xəbər agentliyinə müsahibə verən Mövlud Çavuşoğlu gündəmdəki proseslari qiymətləndirib.
Türkiyə və Rusiya münasibətlərinin normallaşmasını qiymətləndirən Çavuşoğlu Rusiyanın Türkiyə üçün dost bir ölkə olduğunu və Moskva rəhbərliyinin Türkiyədən daha etibarlı dost tapa bilməyəcəyini bildirib.
M.Çavuşoğlu "Suriya başda olmaqla Yaxın Şərq regionunda Rusiya ilə necə əməkdaşlıq mexanizmi yaradılacaq"? sualını belə cavablandırıb:
"Suriyada təəssüf ki, vəziyyət getdikcə ağırlaşır. Yəni savaşaraq ya da silahlı mübarizə ilə bu problemlər qısa müddətdə həll edilməz. Bu problem tək başına da həll edilməz. Bu səbəblə siyasi həll üçün atəşkəs üçün birlikdə çalışmalıyıq. Hazırda atəşkəsi təmin etmək lazımdır. Təəssüf ki, mülki vətəndaşlar ölür" deyə bildirib.
Çavuşoğlu Suriyanın sərhəd və ərazi bütövlüyü məsələsində Rusiya və İranın Türkiyə ilə eyni fikirdə olduğuna inandıqlarını qeyd edərək, ‘‘Rusiyanın köməyi olmadan daimi həll olmaz.Bunu hər zaman söyləyirik. Hətta İranın da. İran ilə də görüşürük və bu mənada onlarla da əməkdaşlığımızı gücləndirməliyik’’ deyә bildirib.
Әlaqәli Xәbәrlәr
Türkiyə prezidenti ilə Ermənistan Baş naziri arasında telefon danışığı oldu
Türkiyə Prezident Administrasiyası İctimaiyyətlə Əlaqələr Departamentinin məlumatına görə ...
Türkiyə Azərbaycanın gələcəyinə təmiz nəfəsi artırır
Göndərilən tinglər Qarabağ və paytaxt Bakıda torpağa qovuşacaq