Türkiyə - Rusiya münasibətlərindəki yumşalma iqtisadiyyatda da əks olunur
Türkiyə ilə Rusiya arasında yumşalmağa başlayan münasibətlər iqtisadiyyata da əks olunur.
![Türkiyə - Rusiya münasibətlərindəki yumşalma iqtisadiyyatda da əks olunur](http://cdn.trt.net.tr/images/xlarge/rectangle/4d17/2689/1911/579f4b49ded85.jpg?time=1718810911)
Rusiya Turizm operatorları Assosiasiyası Türkiyəyə tələblərin hər gün daha da artdığını bildirdi..
Rusiya Kənd Təsərrüfatı Nazirliyi də, Türkiyədən tərəvəz və meyvə ixracının yenidən başlanılması üçün heyət göndərir.
Türkiyə rus turistlərin ən çox üstünlük verdiyi ölkələrindən biri idi.
Lakin ötən noyabr ayında baş verən təyyarə böhranından sonra Moskva ruslardan tətil üçün Türkiyəyə getməməyi məsləhət bildi, charter uçuşları ləğv edildi.
Ancaq son vaxtlarda siyasi münasibətlərdə müşahidə edilən yumşalma turizmdə keçmiş günlərə qayıdılacağından xəbər verir.
Rusiya Turizm operatorları Assosiasiyasının açıqlamasında:"Türkiyədə baş verən hadisələrə baxmayaraq, tələb artır" deyildi.
Türkiyədə dövlət çevrilişi cəhdi ərəfəsində Moskva, Novosibirsk və Krasnodar şəhərlərindən yalnız Antalyaya birbaşa uçuşlar vardı. Artıq siyahıya Bodrum və Dalaman da əlavə olunmuşdur.
Moskvanın Türkiyəyə charter reyslərinin yenidən başlaması üçün Türkiyəyə heyət göndərməyə hazırlaşdığı bildirilir.
Münasibətlərdəki yumşalma tərəvəz və meyvə ixracına da təsir edir.
Rusiya Türkiyədən ötən yazda dayandırdığı tərəvəz və meyvə ixracını yenidən başlamaq üçün Türkiyəyə ekspertlərdən ibarət bir heyət göndərir.
Rusiya rəsmiləri işlərin müsbət nəticələnməsi halında idxal qadağasının aradan qaldırılacağını bildirirlər.
Әlaqәli Xәbәrlәr
![Türkiyə prezidenti ilə Ermənistan Baş naziri arasında telefon danışığı oldu](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718810911)
Türkiyə prezidenti ilə Ermənistan Baş naziri arasında telefon danışığı oldu
Türkiyə Prezident Administrasiyası İctimaiyyətlə Əlaqələr Departamentinin məlumatına görə ...
![Türkiyə Azərbaycanın gələcəyinə təmiz nəfəsi artırır](http://cdn.trt.net.tr/images/medium/rectangle/6e67/9b77/98a9/66716af7bff4b.jpg?time=1718810911)
Türkiyə Azərbaycanın gələcəyinə təmiz nəfəsi artırır
Göndərilən tinglər Qarabağ və paytaxt Bakıda torpağa qovuşacaq