M.Çavuşoğlu:''TSQ-dәki ‘‘tәmizlәmә’’ prosesinin DEAŞ ilә mübarizәyә müsbәt tәsiri olacaq''
Türkiyәnin Xarici İşlәr naziri Mövlud Çavuşoğlu Türk Silahlı Qüvvәlәrindәki ‘‘tәmizlәmә’’ prosesinin terror təşkilatı DEAŞ ilə mübarizəni daha etibarlı, təmiz və təsirli hala gətirəcəyini bildirib.
M.Çavuşoğlu Amerikalı hərbi rəsmilərin "Türk ordusundaki tәmizlәmә prosesinin DEAŞ ilə mübarizəyə zərər verəcək’’ istiqamətindəki açıqlamasını uğursuz olaraq qiymətləndirib.
Məsələ ilə bağlı yazılı açıqlama verən Xarici İşlər naziri: ‘‘Türkiyәnin DEAŞ,PKK vә digәr tәşkilatlarla mübarizә mәsәlәsindә hәrbi gücünü sadәcә tәmizlәnәnlәrlә mәhdud tutmaq pis niyyәt yoxdursa, o zaman cahillik vә savadsızlıqdan qaynaqlanır’’ deyә bildirib.
Aspen Təhlükəsizlik Forumunda çıxış edәn Amerika Birləşmiş Ştatları Mərkəzi Qüvvələr Komandanı Cozef Votel Türkiyədә hәyata keçirilәn uğursuz çevrilişi cəhdinin DEAŞ ilə mübarizədə uzunmüddətli təsirləri ola biləcəyinə dair narahatlığını dilə gətirmişdi.
ABŞ Milli Kəşfiyyat İdarәsinin direktoru Ceyms Clepper dә Türk Silahlı Qüvvələrindən iyulun 15-dә hәyata keçirilәn çevriliş cəhdində rolu olan çox sayda rәhbәrin vәzifәdәn uzaqlaşdırıldığını ifadә edәrәk bunun DEAŞ ilə mübarizədə Türk-Amerika əməkdaşlığına mane ola biləcəyini irəli sürmüşdü.
Әlaqәli Xәbәrlәr
Türkiyə prezidenti ilə Ermənistan Baş naziri arasında telefon danışığı oldu
Türkiyə Prezident Administrasiyası İctimaiyyətlə Əlaqələr Departamentinin məlumatına görə ...
Türkiyə Azərbaycanın gələcəyinə təmiz nəfəsi artırır
Göndərilən tinglər Qarabağ və paytaxt Bakıda torpağa qovuşacaq