Beynǝlxalq Humanitar Yardım Sammiti

Beynǝlxalq Humanitar Yardım Sammiti 23-24 mayda İstanbulda baş tutacaq.

Türkiyǝ humanitar yardım sahǝsindǝki tǝcrübǝlǝrini vǝ dünyaya nümunǝ tǝşkil edǝcǝk layihǝlǝrini sammit vasitǝsi ilǝ ümumdünyaya bir daha bölüşmǝk imkanı ǝldǝ edǝcǝk.

İlk dǝfǝ keçirilǝn sammit mövcud qlobal humanitar sistemin qarşı-qarşıya qaldığı problemlǝrlǝ ǝlaqǝli hǝll yolları tǝkliflǝrini ortaya qoymalarını, ayrıca humanitar yardım cǝhdlǝrinin gǝlǝcǝyinǝ dair gündǝm yaratmasını mǝqsǝd götürüb.

BMT-nin Baş katibi Pan Gi Mun sammitin “bir tǝdbirdǝn daha mǝnalı olduğunu", sammitdǝ humanitar yardımların vǝ tǝcili müdaxilǝnin necǝ hǝyata keçirilǝcǝyinin vǝ ehtiyacı olanlara çatdırılması üçün aparılacaq fǝaliyyǝtlǝrin dǝyǝrlǝndirilǝcǝyini söylǝyib.

Sammitdǝ müxtǝlif ölkǝlǝrdǝn 5 minǝ yaxın nümayǝndǝnin qatılması gözlǝnilir, bunlar arasında müxtǝlif ölkǝlǝrin dövlǝt nümayǝndǝlǝri ilǝ yanaşı beynǝlxalq tǝşkilatlar, qeyri-hökumǝt tǝşkilatları, Beynǝlxalq Qızıl Xaç vǝ iş dünyasından nümayǝdǝlǝr yer tutacaq.

Türkiyǝnin ev sahibliyindǝ keçirilǝcǝk sammiti Xarici İşlǝr Nazirliyi koordinasiya edǝcǝk.

Nazirliyǝ Türk Qırmızı Aypara Cǝmiyyǝti ilǝ yanaşı Baş Nazirliyin Fövqǝladǝ vǝ Tǝcili Hallar İdarǝsi ilǝ Türk Әmǝkdaşlıq vǝ Koordinasiya Agentliyi dǝ (TİKA) dǝstǝk verǝcǝk.

Türk Qırmızı Aypara Cǝmiyyǝtinin iştirakçılara Türkiyǝ vǝ cǝmiyyǝtin humanitar yardım sahǝsindǝki tǝcrübǝlǝrini çatdıracağı sammit müddǝtindǝ “Humanitar sahǝdǝ tǝdbirlǝr","Mühafizǝsizliyin ixtisarı vǝ risklǝrǝ nǝzarǝt", “İnnovasiya vasitǝsilǝ dǝyişiklik", “Qarşıdurmaların davam etdiyi yerlǝrdǝ olan insanların ehtiyaclarının ödǝnilmǝsi" kimi başlıqlar müzakirǝ olunacaq.

Sammitdǝ Suriya böhranı vǝ insanların qarşı-qarşıya olduğu fǝlakǝtǝ hǝll yolları axtırılacaq.

Qaçqın böhranının hǝllǝ qovuşdurula bilmǝsi üçün birgǝ vǝ koordinasiyalı fǝaliyyǝtlǝrin daşdığı ǝhǝmiyyǝt vurğulanacaq.