İstanbul terrorunda həyatını itirən və yaralananlar var

Şəhərin ən sıxlıq nöqtələrindən olan Taksim meydanının İstiqlal Prospektində meydana gələn intihar hücumunda 5 nəfər həyatını itirib.

İstanbul valisi Vasip Şahin 19 adamın yaralandığını, bunlardan birinin təcavüzkar olduğunu bildirib.

İctimai mediada yayılan xəbərlərə diqqət çəkən Şahin deyib: “Nişantaşı və başqa səmtlərdə də bomba partladıldığı xəbərləri yayılıb, amma bunlar doğru deyil".

Səhiyyə naziri Mehmet Müezzinoğlu da terror hücumunun nəticələri haqqında məlumat verib: "Bu ana qətər 4 vətəndaşımızı itirdik. 36 yaralıdan 7-sinin vəziyyəti ağır, 4-ü əməliyyatdadır. İnşaallah, yeni itkilərimiz olmaz. Bizə gələn məlumatlara görə, yaralıların 12-si xarici vətəndaşdır".

Türkiyə saatı ilə səhər təxminən 10-30-11.00 arasında baş verən hadisədən sonra bölgəyə çox sayda təcili yardım sövq edilib və yaralılar xəstəxanalara aparılıb.

Polis bölgəni təhlükəsizlik hasarına alaraq İstiqlal Prospektində girişləri bağlayıb.