N.Kurtulmuş: Terrorçulardan birinin qadın olduğu dǝqiqlǝşdi

Baş nazirin müavini vǝ hökumǝt nümayǝndǝsi Numan Kurtulmuş, martın 13-dǝ bazar günü axşam 37 nǝfǝrin hǝlak olduğu, 125 nǝfǝrin yaralandığı Ankarada “Kızılay" meydanında törǝdilǝn terror hücumunu hǝyata keçirǝn iki şǝxsdǝn birinin qadın olduğunun sübuta yetirildiyini söylǝyib.

Numan Kurtulmuş dünǝn Baş nazir Әhmǝd Davudoğlunun rǝhbǝrliyindǝ Çankaya Köşkündǝ baş tutan Nazirlǝr Kabinetinin yığıncağından sonra Ankarada törǝdilǝn xain hücumdan sonra aparılan tǝdqiqat haqqında mǝlumat verib.

Kurtulmuş bir qadının canlı bomba olduğunun dǝqiqlǝşdiyini, ikinci kişi kamikadze ilǝ ǝlaqǝli araşdırmanın davam etdiyini bildirib. O deyib ki, hǝr kǝsi bu xain hücumu lǝnǝtlǝmǝyǝ çağırıram. Hǝr kǝs gücü çatdığı qǝdǝr terror qarşısında öz reaksiyasını göstǝrsin. Bu işi görǝnlǝri vǝ arxasında dayanan güclǝri qınasın.

Siyasi partiyalara da çağırış edǝn Numan Kurtulmuş bildirib ki, Türkiyǝ Böyük Millǝt Mǝclisindǝ qrupu olan bütün partiyalar yenǝ bir araya gǝlǝrǝk terror hücumu qarşısında ortaq deklarasiya yayımlasın. Bunun Türkiyǝnin qarşı-qarşıya olduğu bu hǝssas zamanda önǝmli olacağına vǝ Türkiyǝdǝ ictimaiyyǝt arasında terrora qarşı ortaq perspektiv yaradılmasına töhfǝ verǝcǝyinǝ inanırıq.

Törǝdilǝn terror aktlarının mǝqsǝdinin güclü Türkiyǝnin qarşısında ǝngǝl törǝtmǝk olduğunu vurğulayan Numan Kurtulmuş ona da deyib ki, hǝr kǝs yaxşı bilsin ki, bu sahǝdǝ tǝzyiqlǝ hǝyata keçirilmǝk istǝnǝn heç nǝyǝ icazǝ verilmǝyǝcǝkdir.