Gürcüstanın Baş nazir müavini Dimitri Kumsişvili Türkiyәyә sәfәr edib

Gürcüstanın Baş nazir müavini, İqtisadiyyat vә Dayanıqlı İnkişaf naziri Dimitri Kumsişvili iki günlük işgüzar sәfәrlә İstanbula gәlib. Kumsişvili sәfәri çәrçivәsindә İqtisadiyyat naziri Mustafa Elitaş ilә görüşüb. Görüş zamanı iki ölkә arasındakı azad ticarәt müqavilәsindәn sәmәrәli istifadә etmәklә ticari vә iqtisadi әlaqәlәrin inkişaf etdirilmәsi mәsәlәlәri müzakirә olunub. Türkiyәli nazir ilә keçirilәn görüşün çox mәhsuldar olduğunu vә gürcü mәhsullarının Türk bazarına daxil olma imkanlarını müzakirә etdiklәrini qeyd edәn Kumsişvili: ''Bu gün Türkiyә bizim çox әhәmiyyәtli ticarәt tәrәfdaşımızdır vә aydın görürük ki, Gürcüstan ixracını bu istiqamәtdә artırmaq imkanına malikdir. Malik olduğumuz ixrac potensialının әsas tәrәflәrini müzakirә etdik'' deyә açıqlama verib.