"Dövlǝt başçısı Әrdoğana hǝr zamankından daha çox ehtiyac var"

İngiltǝrǝdǝ dǝrc olunan “Guardian” qǝzeti Avropanın qaçqınlarla bağlı böhran vǝ terror tǝşkilatı DEAŞ-la mübarizǝ mövzularında Dövlǝt başçısı Rǝcǝb Tayyib Әrdoğana hǝr zaman olduğundan daha çox ehtiyac olduğunu yazıb.
Qǝzetin xarici siyasǝt üzrǝ yazıcısı Simon Tisdal mǝqalǝsindǝ vurğulayıb ki, qaçqın axını, artan DEAŞ terroru vǝ Rusiyanın Suriyaya nǝzarǝtsiz müdaxilǝsilǝ Avropanın daha öncǝ olmadığı sǝviyyǝdǝ Әrdoğana ehtiyacı var.
Türkiyǝdǝ 1,8 milyondan artıq suriyalı qaçqın olduğuna diqqǝt çǝkilǝn mǝqalǝdǝ avropalı liderlǝrin qaçqın böhranı ilǝ ǝlaqǝdar keçǝn ay Türkiyǝdǝn yardım istǝdiklǝri xatırladılıb. Әrdoğanın Avropadakı qaçqın böhranına yardım etmǝyǝ hazır olub olmadığının, Avropanın bunun müqabilindǝ nǝ tǝqdim edǝcǝyindǝn asılı ola bilǝcǝyini ifadǝ edǝn yazıcı rǝsmi Ankaranın Rusiyanın Suriyaya müdaxilǝsi barǝdǝ Qǝrbin narahatlığını vǝ tǝşvişlǝrini bölüşdüyünü yazıb.
Tisdal Dövlǝt başçısı Әrdoğanın Suriyanın şimalında tǝhlükǝsiz bölgǝ qurulması barǝdǝ istǝyini xatırladaraq vurğulayıb ki, ABŞ vǝ İngiltǝrǝ indiyǝdǝk buna etiraz etdi. Ancaq rus qırıcılarının hǝftǝ sonunda nizamsız hǝyata keçirdiyi hava hücumlarında dinc ǝhalidǝn insanların ölmǝsi, Әrdoğanın uçuşa qadağan hava mǝkanı bölgǝ tǝklifini daha güclü hala gǝtirir.