Dövlǝt başçısı Әrdoğanın qaçqınlar mǝsǝlǝsinǝ dair açıqlaması

Dövlǝt başçısı Rǝcǝb Tayyib Әrdoğan CNN telekanalına qaçqınlar mǝsǝlǝsinǝ dair açıqlama verib.
Aralıq dǝnizindǝ baş verǝn faciǝli ölüm hallarını dǝyǝrlǝndirǝn Әrdoğan deyib ki, düzünü desǝm mǝn bu mǝsǝlǝdǝ Qǝrb alǝmini günahlandırıram.
Әrdoğan Bodrumda qaçqınları daşıyan qayığın batması nǝticǝsindǝ dünyasını dǝyişǝn suriyalı uşağın fotosunu görǝndǝ özünü çox pis hiss etdiyini bildirǝrǝk deyib ki, bu şǝkil qarşısında ailǝmlǝ birlikdǝ özümüzǝ bu sualı verdik ki, insanlıq, vicdan hardadır. Bu, bizi ağladan bir foto oldu.
Әrdoğan Aralıq dǝnizinin bir mǝzarlığa çevrildiyinǝ diqqǝt çǝkǝrǝk bunda qǝrbli ölkǝlǝrin günahkar olduğunu deyib.
Dövlǝt başçısı bildirib ki, Aralıq dǝnizinǝ sǝrhǝdi olan ölkǝlǝr bu insanları istǝmir. Suriya vǝ İraqdan Türkiyǝyǝ gǝlǝnlǝrin sayı 2 milyonu ötüb.
Yunanıstan, İtaliya, İspaniya, Fransa vǝ Macarıstan kimi ölkǝlǝrin dǝ eyni işi rahat şǝkildǝ görǝ bilǝcǝklǝrinǝ diqqǝt çǝkǝn Әrdoğan eyni addımı Almaniyanın da ata bilǝcǝyini vurğulayıb.
Әrdoğan alman bir nazirin Türk sǝlahiyyǝtlilǝrin ölkǝyǝ qǝbul etdiyi insanlardan bǝzilǝrinin seçilǝrǝk Almaniyaya aparılması barǝdǝki tǝklifini tǝnqid edǝrǝk deyib ki, bu necǝ bir yanaşmadır, başa düşmǝk qeyri-mümkündür.