Bakıda Türkiyǝ vǝ Rusiya dövlǝt rǝhbǝrlǝrinin görüşü keçirilib

Bakıda Türkiyǝ vǝ Rusiya dövlǝt rǝhbǝrlǝrinin görüşü keçirilib.
Dövlǝt başçısı Rǝcǝb Tayyib Әrdoğan “Bakı-2015” ilk Avropa Oyunlarının açılış mǝrasiminǝ qatılmaq mǝqsǝdi ilǝ Bakıda sǝfǝrdǝ olduğu müddǝtdǝ Rusiya Prezidenti Vladimir Putin ilǝ görüşüb.
Görüşdǝ Dövlǝt başçısı Әrdoğana Xarici işlǝr naziri Mevlüt Çavuşoğlu, Enerji vǝ Tǝbii Sǝrvǝtlǝr naziri Tanǝr Yıldız, Cümhurbaşqanlığı Baş katibinin müavini İbrahim Kalın, sabiq Nǝqliyyat, Dǝnizçilik vǝ Kommunikasiya naziri Binǝli Yıldırım, Putinǝ isǝ ölkǝnin Xarici İşlǝr naziri Sergey Lavrov müşayiǝt edib.
Dövlǝt başçısı Әrdoğan görüşdǝn öncǝ Avropa Oyunlarının möhtǝşǝm bir açılış mǝrasimi ilǝ başladığını, bu tǝdbir üçün Azǝrbaycanın ciddi sǝviyyǝdǝ sǝrmayǝ qoyduğunu ifadǝ edib.
Әrdoğan tǝdbirin adının “Avropa Oyunları” olduğunu xatırladaraq, Avropa İttifaqı liderlǝrinin açılış mǝrasimindǝ olmadığına diqqǝt çǝkǝrǝk deyib ki, lidǝrlǝrinin olmadığı oyunlara Avropa İttifaqı ölkǝlǝrin idmancıları qatılır.
Rusiya Prezidenti Vladimir Putin dǝ açılış mǝrasiminin canlı vǝ gözǝl bir tǝdbir olduğunu söylǝyib.
Әrdoğanın Avropa İttifaqı liderlǝrinin açılışda olmamasına dair tǝnqidi qarşısında Putin deyib ki, Bakıda Türkiyǝ Avropa İttifaqı üzvü olaraq nümayǝndǝ kimi burdadır.
Bu sözlǝr qarşısında Dövlǝt başçısı Әrdoğan da Türkiyǝnin İttifaqın üzvü olmadığını, üzvlük müzakirǝlǝrinin davam etdiyini xatırladıb.
Qeyd edǝk ki, Putin Mǝclis seçkilǝrindǝn sonra Әrdoğana telefonla zǝng etmişdi. Bu telefon danışığında da Bıkada bir araya gǝlmǝyi qǝrara almışdılar.
Әrdoğan-Putin görüşündǝ isǝ iki ölkǝ ǝlaqǝlǝri, enerji sahǝsindǝ ǝmǝkdaşlıq, Suriya, Ukrayna, Krımdakı son vǝziyyǝt ilǝ tatarların vǝziyyǝti müzakirǝ edilib.