Kamal Kılıçdaroğlu, Fransa prezidenti Ollanda mǝktub ünvanlayıb

Cümhuriyyǝt Xalq Partiyasının (CHP) sǝdri Kamal Kılıçdaroğlu, Fransa prezidenti Ollanda mǝktub ünvanlayıb.
Kılıçdaroğlu mǝktubunda, bütün dinlǝr tǝrǝfindǝn lǝnǝtlǝnǝn hücumlara qarşı olduğunu bildirib.
Kılıçdaroğlunun Ollanda yazdığı mǝktubda, “Charlie-Hebdo” jurnalının redaksiyasına yönǝldilmiş vǝ 12 nǝfǝrin ölümü ilǝ nǝticǝlǝnǝn mǝnfur qǝtlaim üçün Fransanın kǝdǝrinǝ ürǝkdǝn şǝrik olduğu ifadǝ edilib.
Kamal Kılıçdaroğlu mǝktubunda bildirib ki, hücum İslamın adından istifadǝ etmǝkdǝn imtina etmǝdǝn “bir insanı öldürmǝk bütün insanlığı öldürmǝkdir” şǝklindǝki ǝsas dǝyǝri mǝhv edǝn terror tǝşkilatlarının tǝhlükǝsini ǝks etdirir.
Bütün dinlǝr tǝrǝfindǝn lǝnǝtlǝnǝn bir terror aktına qarşı olduğunu bildirǝn Kılıçdaroğlu, bu hücumun terror tǝşkilatlarına qarşı birgǝ mübarizǝ edilmǝsinin vacibliyini ortaya qoyduğunu ifadǝ edib.