“Ana fəryadı”na Xocalı soyqırımı qurbanlarını yada salanlar gəldi
Azərbaycanlılar ermənilərin Xocalıda qətliam etdiyi 613 nəfərin xatirəsini yad etmək üçün paytaxt Bakıdakı “Ana fəryadı” abidəsinə axışıb
Azərbaycanda 1992-ci il fevralın 26-da ermənilər tərəfindən həyata keçirilən Xocalı soyqırımı qurbanlarının xatirəsi anılır.
Azərbaycanlılar ermənilərin Xocalıda qətliam etdiyi 613 nəfərin xatirəsini yad etmək üçün paytaxt Bakıdakı “Ana fəryadı” abidəsinə axışıb.
Ölkə prezidenti İlham Əliyevin iştirakı ilə keçirilən rəsmi mərasimdən sonra abidə ictimaiyyətin ixtiyarına verilib.
Türkiyənin Azərbaycan üzrə səfiri Cahit Bağcı səfirliyin əməkdaşları və Türkiyənin Bakıdakı qurum və təşkilatlarının nümayəndələri də “Ana fəryadı” abidəsini ziyarət edib, Xocalı soyqırımı qurbanlarının xatirəsini yad ediblər.
Mətbuata açıqlamasında C.Bağcı bildirib: “Birinci Qarabağ Müharibəsində ermənilərin çoxlu qırğınlar törətdi. O dövrdə itkin düşən 3860 azərbaycanlının taleyi bu gün də məlum deyil. Dünyanın lal və kar qaldığı qırğınlara qarşı beynəlxalq hüquq da susdu. Birləşmiş Millətlər Təşkilatı Təhlükəsizlik Şurasının 4 qətnaməsi belə yerinə yetirilmədi. Ancaq 30 ildən sonra ağrı, acı və vətən həsrəti sevinclə əvəz olundu. 44 günlük Vətən Müharibəsi (İkinci Qarabağ Müharibəsi) zəfərlə başa çatdı. Türkiyə Azərbaycanın haqq davasında həmişə olduğu kimi, yenə yanında və arxasında oldu. Bu gün Türkiyə və Azərbaycan "Birlikdə daha güclüyük" deyir və münasibətlərini daha üst səviyyəyə qaldırırlar”.
Xocalıda nə baş verib?
Sovet İttifaqının dağılması ilə Azərbaycana qarşı ərazi iddiaları irəli sürməyə başlayan və hücuma keçən ermənilər 1991-ci ilin son günlərində mühasirəyə alınan, bölgədə yeganə hava limanı olan, strateji əhəmiyyətə malikdir Xocalını ələ keçirmək üçün hərəkətə keçdilər. Aylarla davam edən hücumlarını daha da gücləndirən ermənilər 1992-ci il fevralın 25-də Rusiyası ordusunun köməyi ilə gecə saatlarında üç tərəfdən hücuma keçdilər. Təkcə işğalla kifayətlənməyən ermənilər dinc əhaliyə divan tutmaqla, əsirlərə vəhşicəsinə işgəncə verməklə 20-ci əsrin ən qanlı qırğınlarından birini törətdilər.
Əvvəllər 7 min insanın yaşadığı Xocalıda 613 Azərbaycan vətəndaşı, 106 qadın, 70 qoca, 63 uşaq həyatını itirdi. Qırğından 487 nəfər ağır yaralanaraq sağ qaldı. Erməni silahlı qüvvələri 1275 nəfəri əsir götürdü ki, onların 150 nəfərindən hələ də xəbər yoxdur.
