Azərbaycanda hərbi təlim keçirilib

Azərbaycan ordusu Azərbaycan-Ermənistan cəbhə xəttinə yaxın bölgələrdə  raket və artilleriya birləşmələrinin iştirak etdiyi hərbi təlim keçirib. 

Azərbaycanın Müdafiə nazirinin təsdiq etdiyi 2018-ci il üçün döyüş hazırlığı planına uyğun olaraq, raket və artilleriya birləşmələrinin və bölmələrinin döyüş vərdişlərinin təkmilləşdirilməsi məqsədilə cəbhə bölgəsində keçirilən təlimlərində döyüş atışları icra olunub.

Azərbaycan Müdafiə Nazirliyinin mətbuat xidmətinin açıqlamasında bildirilib ki, şəxsi heyət qarşıya qoyulmuş bütün tapşırıqları müvəffəqiyyətlə yerinə yetirib.