Türkiyə iqtisadiyyatının perspektivləri- 13/2018
Həftənin əvvəlində Bolqarıstanın Varna şəhərində keçirilən Türkiyə-Avropa İttifaqı zirvə toplantısı Türkiyənin gündəminə damğasını vurdu.
Təşkil edilən zirvə toplantısının Türkiyə-Avropa İttifaqı münasibətlərinə necə təsir göstərəcəyi böyük marağa səbəb olub.
Türkiyə-Avropa İttifaqı münasibətlərinin müzakirə edildiyi Varna zirvəsində qaçqınlar, terrorla mübarizə, vizasız rejim, Kıbrıs və Gömrük Birliyi məsələləri müzakirə olunub.
İlk olaraq qaçqınlar məsələsinə toxunsaq, məlumdur ki, Türkiyə bu məsələdə nümayiş etdirdiyi mövqeyi ilə öhdəliklərini artıqlaması ilə yerinə yetirən bir ölkədir.
Lakin Avropa İttifaqının qaçqınlar üçün odəyəcəyi 3 milyard avronu hələ də ödəməməsi qurumun qaçqınlar məsələsində öz üzərinə düşən öhdəlikləri tam olaraq yerinə yetirmədiyini göstərir.
Türkiyə Varna toplantısında bu mövzudakı fikirlərini açıq şəkildə səsləndirərək Aİ-nin qaçqınlar məsələsində üzərinə götürdüyü öhdəlikləri yerinə yetirməsinin vacibliyini vurğuladı.
Digər tərəfdən, Gömrük Birliyinin yenilənməsi mövzusu Türkiyə ilə Avropa İttifaqı iqtisadiyyatının inteqrasiyası baxımından mühüm mərhələnin göstəricisidir.
Türkiyə - Aİ ticarət potensialına ciddi təkan verəcək Gömrük Əməkdaşlığının dərinləşdirilməsi hər iki tərəf üçün olduqca әhәmiyyәtlidir.
Məlum olduğu kimi, Türkiyə və Avropa İttifaqına üzv ölkələrin ən mühüm strateji tərəfdaşlıq sahələrindən birini ticarət təşkil edir.
Mövcud ticarət həcminin daha da artırılaraq qiymətləndirilməsi üçün Gömrük Birliyi əlaqələrinin bundan sonra da davam etdirilməsi və bu işlərin başa çatdırılması zəruridir.
Bu hal xüsusilə Aİ-nin digər ölkələrlə imzalayacağı mümkün azad ticarət müqavilələri səbəbindən Türkiyə iqtisadiyyatı üçün əhəmiyyətlidir.
Türkiyə Avropa İttifaqı münasibətlərində digər ortaq sahə isə enerjidir. Ötən ilin fevral ayında Kıbrıs sahillərində Türkiyə və Yunan icması arasında yaşanan gərginlik uzun müddət gündəmdə qaldı.
Şimali Kıbrıs Türk Respublikası və Türkiyə Cənubi Kıbrıs Yunan Rəhbərliyinin ada sahillərində həyata keçirdiyi fəaliyyətlərin beynəlxalq hüquqa zidd olduğunu və Yunan rəhbərliyinin bu bölgədə müstəqil hərəkət edə bilməyəcəyi barədə olduqca dəqiq mövqe nümayiş etdirdi.
Türkiye Kıbrıs adası ətrafındakı enerji ehtiyatları məsələsində regionda qəbul olunacaq hər bir qərarda mühüm tərəf mövqeyindədir .
Bu çərçivədə Varna zirvəsində Şərqi Aralıq dənizində enerji təhlükəsizliyinin təmin olunması məsələsində Türkiyənin rolu diqqət mərkəzində saxlanıldı. Zirvədə həmçinin geosiyasi baxımdan Türkiyənin regionun ən həlledici tərəfdaşı olduğu da vurğulandı.
Son olaraq, Zirvə toplantısı çərçivəsində ən çox diqqət mərkəzində olan mövzulardan biri də sərbəst viza və terrorla mübarizə idi.
Sərbəst viza məsələsində Avropa İttifaqı müzakirələrinin qısa vaxt ərzində yekunlaşmasının ikitәrәfli münasibətlərin gücləndirilməsi baxımından böyük önəm daşıdığı diqqətə çatdırılıb.
Terrorla mübarizə məsələsinə gəlincə, Türkiyənin bu məsələdə yürütdüyü siyasətin Avropanın təhlükəsiliyi baxımından son dərəcədə önəmli olduğu vurgulanıb.
Nəticədə, Varna toplantısında Türkiyə Aİ münasibətlərində dialoqun əhəmiyyəti bir daha diqqətə çatdırılıb və iyunun sonuna qədər yeni bir görüşün keçirilməsi ehtimalı gündəmə gətirilərək qarşılıqlı görüşlərin davam etdirilməsinin vacibliyi bildirilib.