Türk Dünyasından Xәbәrlәr
“Türk Dünyasından Xəbərlər” bölümündə Türk Dünyasında baş verən hadisələr barəsində söhbətimiz olacaq.
![Türk Dünyasından Xәbәrlәr](http://cdn.trt.net.tr/images/xlarge/rectangle/f25c/7615/95a1/58b678deeac08.jpg?time=1718852254)
Hörmətli oxuçularımız ilk xəbərimiz Türkmәnistanla bağlıdır.
Türkiyə və Türkmənistan arasında diplomatik münasibәtlәrin yaradılmasının 25-ci ildönümü münasibәtilә Aşqabadda konfrans keçirilib.
Türkiyәnin Aşqabaddakı səfirliyi və Türkmənistan xarici işlər nazirliyinin tәşkilatçılığı ilә keçirilәn konfransda iki ölkә arasındakı münasibətlərin keçmişi və bu günü qiymətləndirilib, gələcək perspektivlərə dair təkliflər səsləndirilib.
Konfransdan әvvәl Türkiyәnin Aşqabaddakı səfiri Mustafa Kapucu və Türkmənistan Beynəlxalq Münasibətlər İnstitutunun rektoru Baba Zahirov iki ölkə arasındakı müsbət әlaqәlәrini әks etdirәn foto sərginin açılışını ediblәr.
Konfransda açılış nitqi ilә çıxış edәn Türkiyәnin Aşqabaddakı sәfiri Mustafa Kapucu 1991-ci il dekabrın 16-da Türkmәnistanın müstәqilliyini tanıyan vә 1992-ci il fevral ayının 29-da bu ölkә ilә diplomatik әlaqәlәr yaradan ilk ölkәnin Türkiyә Cümhuriyyәti olduğunu diqqətə çatdırıb.
Konfransda ODTÜ üniversitetinin müəllimi Prof. Dr. Oqtay Tanrısevәr, QAZİ universitetinin müəllimi Dosent. Dr. Bekir Tümen Somuncuoğlu ilə Türkmənistan Beynəlxalq Münasibətlər İnstitutunun müəllimləri Altın Mahtumova və Koçmurat Atayev məruzə ilə çıxış ediblər.
Çıxışlarda türkmәn vә türk xalqları arasındakı qardaşlıq tellərinə әsaslanan ortaq mәdәniyyәtin әhәmiyyәti vurğulanıb, hәmçinin Türkmәnistana yatırılan investisiyalar, Avaza turizm zonasının inşasında Türk şirkәtlәrinin oynadığı rol vә TİKA-nın hәyata keçirdiyi layihәlәrdən də danışılıb.
Konfransda Aşqabaddakı xarici missiya nümayәndәlәri, Beynәlxalq Münasibәtlәr İnstitutu vә Bəşəri Elmlər universitetinin müәllim vә tәlәbәlәri, hәmçinin Türkmәnistanda yaşayan Türkiyә vәtәndaşları ilә Aşqabad Türk-Anadolu liseyinin şagirdlәri iştirak ediblәr.
Hörmətli oxuçularımız tarixi ‘‘İpək Yolu" mədəniyyət turizmi ilә canlanacaq. Türk Şurası tәrәfindәn tarixi İpək Yolunu canlandırmaq üçün hazırlanan turpaket tәqdim edilib.
Türk Şurasının baş katibi səfir Ramil Həsənov, keçirilən mətbuat konfransında mədəniyyət turizmi mövzusunda alternativ yerlәr axtarışında olanlar üçün xüsusi bir plan hazırladıqlarını bildirib.
Ramil Həsənov Türk Şurasına üzv ölkələr olan Türkiyə, Azərbaycan, Qazaxıstan və Qırğızıstanın layihəyə dövlət başçıları səviyyəsində dəstək verdiklərini, özlərinin də bu dəstəyə qoşulacaqlarını bildirib.
R. Həsənov hәmçinin İpək Yolu ilә bağlı müxtəlif layihələrin həyata keçirildiyini xatırladıb.
Mədəniyyət və ticarət turizmi sahəsində bölgədə ciddi bir boşluq olduğunu vurğulayan R. Həsənov Türkiyə Cümhuriyyəti Baş Naziri yanında Tanıtma Fondu və Türk Hava Yollarının sponsorluqları ilә hәyata keçirilәcәk layihənin eyni tarixi kökdən gələn qardaş ölkələr arasında könül bağı yaradacağına inamını ifadə edib.
İlk növbәdә jurnalistlər, turizm şirkәtlәrinin nümayəndələri və tədqiqatçılara bölgәni gәzdirәcәklәrini bildirәn R.Hәsәnov deyib ki, dəvətimizin mәqsәdi onların turla bağlı təklif və iradlarını bizә bildirmәlәridir. Belə olan halda biz turla bağlı maneələri daha aydın görərək gözəl bir nəticə әldә etmәk və nöqsanların aradan qaldırılması üçün çalışacağıq.
Hörmətli oxuçularımız son xәbәrimiz Qazaxıstanla bağlıdır.
Qazaxıstan latın əlifbasına keçməyə hazırlaşır.
Qazaxıstan prezidenti Nursultan Nazarbayev ölkəsinin 2025-ci ilə qədər tamamilə Latın qrafikasına keçməsinin vacibliyini vurğulayıb.
Qazaxıstan prezidenti Nursultan Nazarbayevin "Suveren Qazaxıstan" qəzetində dərc olunan məqaləsində deyilir: "2025-ci ilə qədər bütün sənədlər latın əlifbası ilә yazılmalı, dərs kitabları və dövri nəşrlər latın qrafikası ilә dәrc olunmalıdır. Vaxt itirmədən bu işə başlamalıyıq’’.
Nazarbayev hökumətə bu ilin sonuna qədər qazax- latın əlifbasının yaradılması üçün göstəriş verdiyini qeyd edib.
Qazaxıstan prezidenti qeyd edib ki, 2018-ci ilə qədər yeni qazax əlifbasının və qrafikasının vahid standartı hazırlanmalıdır.
Qeyd edәk ki, Qazaxıstan 1929-cu ildәn 1940-cı ilәdәk qazax- latın əlifbasını istifadə etmiş, daha sonra kiril əlifbasına keçmişdi.