Türk Dünyasından Xәbәrlәr
“Türk Dünyasından Xəbərlər” bölümündə Türk Dünyasında baş verən hadisələr barəsində söhbətimiz olacaq.
![Türk Dünyasından Xәbәrlәr](http://cdn.trt.net.tr/images/xlarge/rectangle/a085/5c11/795a/57bd791c2bf92.jpg?time=1718804096)
Proqramımızın ilk xəbəri Türkmәnistanla bağlıdır.
Türkmənistanda fevralın 12-də keçirilmiş prezident seçkisinin nəticələri açıqlanıb.
Türkmənistan Seçki və Referendum Heyətinin sədri Gulmurat Muradov seçkilərin nəticələrini elan edib.
Nәticәlәrә әsasәn mövcud dövlәt başçısı Gurbanqulu Berdiməhəmmədov sәslәrin 97.69 %-ni toplayaraq yenidәn prezident seçilib.
1997-ci ildə Türkmənistanın Səhiyyə naziri vәzifәsinә tәyin olunan Türkmən lider 2007-ci ildə keçirilәn prezident seçkilәrindә sәslәrin 89.23 %-ni , 2012-ci ildә isә 97.4 %-ni toplayaraq prezident seçilmişdi.
Qeyd edәk ki, 59 yaşlı Qurbanguli Berdiməhəmmədov 7 il müddətində vəzifəsini icra edəcək.
Türkiyәnin dövlәt başçısı R.T.Әrdogan, Azərbaycan prezidenti İlham Əliyev, Özbəkistan prezidenti Şavkat Mirziyoyev, Qırğızıstan prezidenti Almazbek Atambayev, Qazaxıstan prezidenti Nursultan Nazarbayev sәslәrin әksәriyyәtini toplayaraq 3-cü dәfә Türkmənistanın prezidenti seçilәn Qurbanqulu Berdimuhammedovu təbrik ediblәr.
Hörmətli oxuçularımız ikinci xəbərimiz Azәrbaycanla bağlıdır.
Avropa Şurası Parlament Assambleyasının (AŞPA) üzvü və Azərbaycanın millət vəkili Qənirə Paşayeva Azәrbaycanın hər zaman Türkiyənin yanında olduğunu deyib.
Qənirə Paşayeva Anadolu Agentliyinә verdiyi açıqlamada Azərbaycan - Türkiyə münasibətləri və regiondakı prosesləri qiymətləndirib.
Fәtullahçı Terror Təşkilatının (FETÖ) 15 İyulda hәyata keçirdiyi uğursuz dövlət çevrilişi cəhdindәn dərhal sonra Azərbaycan prezidenti İlham Əliyevin bəyanat verdiyini xatırladan Q.Paşayeva: "O qorxunc gecə prezidentimiz cənab İlham Əliyev bu məsələ ilә әlaqәdar dəqiq münasibәtini bildirmişdi. Prezidentimiz ‘‘Türkiyənin gücü bizim gücümüzdür. Türkiyə güclənərsə Azərbaycan da güclənәr’’ - demişdi. Mən də hər zaman bunu deyirəm Türkiyənin barmağına atılan daş bizim başımıza dəyər’’ deyib.
Bəzi xarici güclərin zəif Türkiyə görmәk istədiklərini, bunu bacarmadıqları üçün Türkiyəni hədəf aldıqlarını dilə gətirən Paşayeva: "Təəssüf ki, bu günlərdə Türkiyənin güclənməsini istəməyən, Türkiyəni zəiflətməyə çalışan bir sıra xarici qüvvələr Türkiyənin dirçəlib böyüməsi yerinə bölünüb parçalanmasını arzu edirlər. Avropa və Amerikada yerləşən bu xarici güclәrin 90 faizi Türkiyənin güclənməsini istəmir çünki idarә etmәk arzusunda olduqları Türkiyə görmәk istəyirlər’’ deyib.
Qәnirә Paşayeva xarici güclərin Türkiyəni hədəfə aldığı bir dövrdə İslam dünyası da öz mövqeyini nümayiş etdirmәlidir deyәrәk: Bunu çox açıq bir şəkildə getdiyim hər yerdə deyirəm. Türkiyə parçalansa, İslam dünyası da bölünәr. Türkiyənin gücü İslam dünyasının da gücüdür. İslam dünyasındakı ölkələr də artıq bunu anlamaq və ona görə bu xarici qüvvələrə qarşı mövqeyini nümayiş etdirmәk, Türkiyəni qorumaq məcburiyyətindədir". deyib.
Hörmətli oxuçularımız üçüncü xəbərimiz Özbəkistanla bağlıdır.
İmam Tirmizi Tәdqiqat Mərkəzi yaradılır. Özbəkistan böyük alim İmam Tirmizinin adını әbәdilәşdirir.
Özbəkistan prezidenti Şavkat Mirziyoyev İmam Tirmizi adına tәdqiqat mərkəzi yaradılması ilә bağlı sәrәncam verib.
Özbəkistanın Termez şəhərində İslam dünyasının böyük alim və mütəfəkkiri İmam Tirmizinin adını yaşadacaq mərkəz yaradılır.
Mәlumata görә, mərkəzdə Tirmizinin əsərləri araşdırılacaq.
Tədqiqat mərkəzinin məqsədi İslam dünyasında İmam Buxaridәn sonra gələn Tirmizi irsini üzә çıxarmaqdır.
Bu çәrçivәdә seminarlar, simpoziumlar və konfranslar keçiriləcək.
Hörmətli oxuçularımız sonuncu xәbәrimiz Tatatrıstanla bağlıdır.
Türkiyәli turistlәrin viza rejiminә baxmayaraq, Tatarıstana olan marağı hәr ötәn gün artmaqdadır.
Tatarıstanda keçirilən Turizm Forumunda çıxış edən Tatarıstan Turizm Dövlət Komitəsinin sədr müavini Artur Abdraşitovun sözlərinə әsasәn, Tatarıstana Türkiyədən hər il təxminən on min turist gәlir.
Tatarıstan Turizm Dövlət Komitəsinin rәsmisi: "Türkiyәdәn Tatarıstana sәyahәt edәn turist sayında artım müşayidә olunub’’ deyib.
Abdraşitov Türkiyədən gələnlərin yalnız turist kimi deyil, eyni zamanda, iş görüşmələri üçün də gəldiyini bildirib.
Türk iş adamlarının Tatarıstana investisiya yatırdıqlarını vә turizm sektoruna da sәrmayyә qoyduqlarını bildirib.
Toplantıda Türkiyənin Moskvadakı səfirliyinin Mədəniyyət və Turizm attaşesi Alper Özkan da iştirak edib.
İclasda çıxış edən Özkan turistlərin təkcə Rusiyadan Türkiyəyə deyil, Türkiyədən Rusiyaya da hәvәslә gəldiyini və son zamanlarda iki ölkə arasındakı münasibətlərin hökumətlərarası sәviyyәdә də normallaşdığını deyib.