Türk Dünyasından Xəbərlər
“Türk Dünyasından Xəbərlər” bölümündə Türk Dünyasında baş verən hadisələr barəsində söhbətimiz olacaq.
Proqramımızın ilk xəbəri Türkiyə ilə bağlıdır. Türkiyə Cümhuriyyәtinin Xarici İşlər naziri Mövlud Çavuşoğlu Anadolu Agentliyinә bir sıra vacib bəyanatlar verib. O, Türkiyәnin Türkiyə-Azərbaycan-Qazaxıstan üçtәrәfli formatının yaradılması üzərində işlədiyini deyib.
M.Çavuşoğlu bildirib ki, Türkiyə tərəfindən yaradılan üçtərəfli formatlar Qafqaz və Balkan regionlarında çox səmərəli fəaliyyət göstərir. Nazir qeyd edib ki, Türkiyə, Azərbaycan və Türkmənistan arasında üçtərəfli iclas yaxın aylarda keçiriləcək.
M. Çavuşoğlu Türkiyə-Azərbaycan-Qazaxıstan formatının da tezliklə həyata keçiriləcəyini vurgulayaraq deyib ki, "regional sülh və sabitliyi qorumaq üçün səylər davam edəcək. İntensiv xarici siyasət bizi gözləyir. Komandamızla bərabər biz buna hazırıq".
"2017-ci ildәn gözlәntilәriniz nәlәrdir" sualını cavablandıran Mövlud Çavuşoğlu bildirib ki, ötən il bütün çətinliklərə baxmayaraq iqtisadi böhran yaşanmadı. M.Çavuşoğlu Türkiyənin inkişaf etdiyini, qarşıya çıxan problemlərin həll olunduğunu deyib.
FETÖ-nun iyulun 15-dә hәyata keçirdiyi uğursuz çevriliş cәhdini dә xatırladan M. Çavuşoğlu: "Türk milləti hər zamankı kimi yenidən ayaqlarının üzərində güclü şəkildə dayanaraq, birləşərək, başda dövlәt başçımız R. T.Ərdoğan olmaqla hər kəs millətimiz və ölkəmizin mənfəətini hər şeydən üstün tutaraq çalışırıq. 2017-ci ilin daha yaxşı il olacağına ümid edirik" deyib.
Hörmətli oxuçularımız ikinci xəbərimiz Qırğızıstanla bağlıdır. Qırğızıstan Prezidenti Almazbek Atambayevin Fərmanı ilə 2017-cı il əxlaq, təhsil və mədəniyyət ili elan olunub.
Sәnәddә bu ifadәlәrә yer verilib: "Qlobal tendensiyalar və müasir texnologiyaların inkişafı Qırğızıstan Respublikası üçün böyük imkanlar yaratmaqla bərabər eyni zamanda yeni problemlərə də yol açır. Bu şəraitdə ölkənin strateji inkişaf məqsədlərinə nail olması ilk növbədə dövlətin və cəmiyyətin əxlaqı, tərbiyəsi və mənəviyyatına birbaşa yönəltmə qabiliyyətinə bağlıdır.
Xatırladaq ki, Qırğızıstan prezidenti Almazbek Atambayevin Fərmanı ilə 2016-cı il tarix və mədəniyyət ili elan olunmuşdu.
Sənəddə deyilir ki, 2016-ci ildə Qırğızıstanda 1916-cı ildə baş verən milli azadlıq hərəkatının 100-cü ildönümündә milli və beynəlxalq səviyyədə anma mərasimləri keçirilib. Xalqın azadlığı üçün canlarından keçənlərin xatirəsinə müqəddəs bir vəzifə yerinə yetirildi.
Bu baxımdan 2017-ci ilin əxlaq, təhsil və mədəniyyət ili elan edilməsi xalqımızın və dövlətimizin hərtərəfli inkişafı üçün əhəmiyyətli bir addım olacaq".
Üçüncü xəbərimiz Rusiya Federasiyasının tərkibinə daxil olan Tatarıstan muxtar Respublikası ilә bağlıdır.
Tataturk.com internet saytında yer alan xəbərə görə, 2016-ci il Tatarıstan üçün uğurla yekunlaşıb. Böhran şəraitinə baxmayaraq Tatarıstana investisiya yatırımları hәyata keçirilmәkdәdir.
"Medialogiya" şirkəti ilə "Publicity" adlı PR agentliyi Rusiyada bu gün investorlar üçün ən cəlbedici olan yerləri müəyyənləşdirib.
Siyahının ilk iki pillәsini Moskva ilə Tatarıstan bölüşüb. Digər sırada Krım, Sankt-Peterburq vә Tümen qərarlaşıb.
Primorski bölgəsi, Saxalin, Yakutiya, Krasnodar və Lipetsk siyahının ilk pillәlәrindә yer alan bölgәlәr olub.
Hörmətli oxuçularımız son xәbәrimiz Özbәkistanla bağlıdır.
Özbəkistanlı Sarvinoz Kurbonyoyeva Beynəlxalq şahmat turnirində gümüş medal qazanıb.
Özbəkistan Şahmat Federasiyasından verilәn açıqlamada 12 dekabr - 3 Yanvar tarixlәri arasında Hindistanın Mumbai şəhərində 2-ci Beynəlxalq şahmat turnirinin təşkil olunduğu bildirilib.
Şahmat turnirində dünyanın müxtəlif ölkələrindən gəlmiş 218 idmançı iştirak edib. Turnirdә Özbəkistanı təmsil edən Sarvinoz Kurbonboyeva altı xal toplayaraq ikinci olub. Ukrayna nümayəndəsi Grossmeyster Adam Tuxayev isә birinci olub.
Sarvinoz Kurbonoboyeva dekabrın 13-dә Filippinin Olongapo şəhərində keçirilən şahmat turnirindә bürünc medal qazanmışdı