Türk menecer "Volkswagen" İdarə Heyətinin üzvü olub
Almaniyanın avtomobil istehsalçısı "Volkswagen" "BMW"-dən transfer etdiyi türk menecer Murat Akseli direktorlar şurasına təyin etdiyini açıqlayıb.
Almaniyanın avtomobil istehsalçısı "Volkswagen" "BMW"-dən transfer etdiyi türk menecer Murat Akseli direktorlar şurasına təyin etdiyini açıqlayıb.
"Volkswagen Group" tərəfindən verilən açıqlamada Akselin 1 yanvar 2021-ci ildən etibarən minik avtomobillərinin satın alınmasından məsul idarə heyəti üzvü olaraq fəaliyyət göstərməyə davam edəcəyi elan edilib.
Bu qərarla Aksel "Volkswagen"in İdarə Heyətinə seçilən ilk türk mənşəli icraçı oldu.
1972-ci il təvəllüdlü Aksel Almaniyanın Kaiserslautern Universitetinin Sənaye Mühəndisliyi Bölməsini bitirib.
İş həyatına 1998-ci ildə "Opel"in Rüsselsheimdəki mənzil-qərargahında alış şöbəsində başlayan Aksel 2001-ci ildə məsul menecer olaraq "General Motor" və "Fiat" keçib.
2008-ci ildə "General Motor"un elektrikli nəqliyyat vasitələri və güc nəqli mexanizmindən məsul icraçı vəzifəsində Çinə gedib.
Bir il sonra Almaniyanın lüks avtomobil istehsalçısı "BMW"-yə tədarük və satışdan məsul menecer olaraq transfer olub.