Günəş tutulması ilə bağlı “Fövqəladə vəziyyət” elan edildi

  Kanadanın Ontario əyalətinin Niaqara bölgəsində Ayın Yerlə Günəş arasından keçdiyi zaman baş verəcək tutulma ilə bağlı gözlənilən 1 milyona yaxın seyirçi ilə əlaqədar “Fövqəladə vəziyyət” elan edilib.

  2024-cü il aprelin 8-də Niaqara şəlaləsinin tam Günəş tutulmasını görmək üçün ən yaxşı yerlərdən biri olaraq təyin edilməsindən sonra bölgəyə gözlənilən təxminən 1 milyon qonaq üçün hazırlıqlara başlanılıb.

  Səlahiyyətlilər nəqliyyat sıxlığı, ilk tibbi yardım xidmətləri, cib telefonu şəbəkələrində həddindən artıq yüklənmə kimi vəziyyətlərə hazırlıq görüləcəyini və bölgədə "Fövqəladə vəziyyət" elan edildiyini bildiriblər.

  Niaqara bələdiyyə sədri Cim Diodati şəhərin bir günlük qonaq sayının rekord həddə çatacağını söyləyib.

  Qeyd edək ki, aprelin 8-də baş verəcək tam Günəş tutulması Meksika, ABŞ-ın şərqi və Kanadanın cənub-şərqindən görünəcək, lakin Türkiyədən müşahidə edilməyəcək.

  Niaqara bölgəsində son Günəş tutulması 1979-cu ildə olmuşdu.