Məşhur türk dənizçisi Piri Rəisin həyatı səhnədə

"Piri Rəis Baleti" nin dünya premyerası Mersin Mədəniyyət Mərkəzinin Opera səhnəsində təqdim olunub.
Məşhur Türk dənizçisi Piri Rəis, əsrlər əvvəl çəkdiyi xəritə ilə dünyada məşhurlaşıb. UNESCO xəritənin çəkilməsinin 500-cü ildönümü ilə əlaqədar 2013-ci ili "Piri Rəisin xatirəsi ili" olaraq qəbul etmişdi.
Böyük Türk dənizçisini unutmayan Mersin Dövlət Opera və Balet Teatrı da Piri Rəis adı ilə balet hazırlayıb. Balet məşhur dənizçinin həyatını fantastik quruluşda təqdim edib. Premyera sənətsevərlərin böyük marağına səbəb olub. Piri Rəis rolunu Ender Üçdemirin canlandırdığı əsərin musiqisi Can Atillaya, libretto və xoreoqrafiyası Armağan Davran və Volkan Ersoya məxsusdu.