Türkiyenin turizm gəliri artıb

Türkiyenin turizm gəliri ilin üçüncü rübündə keçən ilin eyni dövrü ilə müqayisədə 13,1 faiz artaraq 20 milyard 225 milyon 317 min dollara çatıb.

Türkiye Statistika Təşkilatı (TÜİK) bu ilin iyul-sentyabr ayları üzrə turizm statistikasını açıqlayıb.

Buna görə, turizm gəlirləri üçüncü rübdə bir əvvəlki ilin eyni rübü ilə müqayisədə 13,1 faiz artıb. Sözügedən dövrdə turizm gəliri 20 milyard 225 milyon 317 min dollar olub.

Turizm gəlirlərinin 16,5 faizi xaricdə yaşayan Türkiyeyə səfər edən vətəndaşlardan əldə edilib.

Bu dövrdə Türkiyeyə gələn xarici ziyarətçilər 76,2 faiz ilə daha çox “səyahət, əyləncə, idman və mədəni fəaliyyətlər” üçün olub.

Xaricdə yaşayan vətəndaşlar isə 61,2 faizlə Türkiyeyə daha çox “qohum və dostlarını ziyarət etmək” üçün gəliblər.