“Nə region, nə də dünya yeni müharibələrə tab gətirə bilməz”, A.Quterreş
Bunu BMT-nin Baş katibi Antonio Quterreş İranın İsrailin hərbi obyektlərinə hücumu ilə bağlı çağırılan Təhlükəsizlik Şurasının iclasında deyib.
2127605
![“Nə region, nə də dünya yeni müharibələrə tab gətirə bilməz”, A.Quterreş](http://cdn.trt.net.tr/images/xlarge/rectangle/2147/1e98/da54/661ccf2acc67c.jpg?time=1722043312)
“Yaxın Şərq regionu genişmiqyaslı münaqişə astanasındadır, vəziyyətin gərginliyini azaltmaq üçün dərhal tədbirlər görülməlidir”, bunu BMT-nin Baş katibi Antonio Quterreş İranın İsrailin hərbi obyektlərinə hücumu ilə bağlı çağırılan Təhlükəsizlik Şurasının iclasında deyib.
“Bölgədəki insanlar dağıdıcı tammiqyaslı münaqişənin real təhlükəsi ilə üz-üzədir. Gərginliyi və eskalasiyanı azaltmağın vaxtı çatıb. Yaxın Şərqdə bir çox cəbhədə böyük hərbi qarşıdurmaya səbəb ola biləcək hər hansı hərəkətlərdən qaçmaq həyati əhəmiyyət kəsb edir", - deyə BMT rəhbəri bildirib.
Baş katib əlavə edib ki, nə region, nə də dünya yeni müharibələrə tab gətirə bilməz.