Türkiyə avtomobil sektoru ilin ən yüksək ixracat rəqəminə çatdı

  Türkiyə avtomobil sektoru iyulda ötən ilin eyni ayı ilə müqayisədə 5 faiz artaraq 2,9 milyard dollar xarici satışla 2019-cu ildə ən yüksək ixracat rəqəminə çatdı.

  Uludağ Avtomobil Sənayesi İxracatçıları Birliyi (OİB) və Türkiyə İxracatçılar Məclisinin (TİM) məlumatlarına görə, avtomobil sənayesinin ixracatı iyulda əvvəlki ilin eyni ayına nisbətdə 5 artıb. İyulda əldə edilən 2,9 milyard dollarlıq satış avtomobil sahəsində 2019-cu ildə aylıq əsasda ən yüksək ixracat rəqəmi olub. Bu ixracat məlumatı, eyni zamanda, avtomobil sənayesinin tarixində aylıq əsasda çatılan dördüncü ən yüksək xarici satış rəqəmi olaraq qeydiyyata düşüb.