Dünyanın ən varlı adamı indi odur
Amazon-un təsisçisi Jeff Bezos dünyanın ən varlı insanıdır
Amazon şirkətinin banisi Jeff Bezos Microsoft-un təsisçisi Bill Gates-i arxada qoyaraq Forbes nəşrinin reytinqinə görə dünyanın ən zəngin insanı tanınıb.
Amazon səhmlərinin 2,3 faiz bahalaşması nəticəsində cənab Bezos-un şəxsi sərvətinin ümumi həcmi 2 milyard dollara yaxın artıb.
Online rejimdə yenilənən Forbes-un son rəqəmlərinə görə onun aktivlərinin dəyəri Bill Gates-in sərvətindən 1,4 milyard dollardan artıq olub.
Sonuncu dəfə Bill Gates ən zəngin adam adını ötən il əldən verib. O zaman zənginlər siyahısının üst sətirini qısa müddətə (iki günə) olsa da, Zara ticarət şəbəkəsinin yaradıcısı Amancio Ortega zəbt etmişdi.
Forbes jurnalı milyarderlər siyahısını ilk dəfə 1987-ci ildə çap edib. Amazon şirkətinin banisi onun üst sətirini tutan sayca 7-ci şəxs olub.
40 Türkün də iştirak etdiyi varlılar siyahısında Türklərin ümumi sərvəti 72,4 milyard dollara çatıb. Türkiyənin ən zəngini Murat Ülker 4,8 milyard dollarlıq sərvətiylə siyahının 422-ci sətirində qərarlaşıb.
Әlaqәli Xәbәrlәr
“İslahatlarımızla Türkiyənin strukturunu gücləndirməyə davam edirik”, M.Şimşək
Türkiyə Radio Televiziya Qurumu – TRT-yə ABŞ səfərilə bağlı məlumat verən M.Şimşək deyib ...