“Bu sahədə ilk dəfədir ki, Avropa medalını qazanırıq", B.Avcı

  Ultra marafon üzrə üzgüçü Bengisu Avcı Rumıniyada keçirilən Avropa Buzda Üzgüçülük Çempionatında üçüncü olub.

  Çempionatda 27 ölkədən idmançılar iştirak edib.

  Bengisu Avcı 50 metr batterflay (kəpənək) və 50 metr brass (qurbağa) növləri üzrə yarışıb.

  Yaş qrupu üzrə medallardan sonra finalda üzməyə vəsiqə qazanan və Türkiyənin Avropada üçüncü yerə çıxaran Bengisu deyib: “Bu sahədə ilk dəfədir ki, Avropa medalını qazanırıq".

  Yarış günü Rumıniyada havanın temperaturunun 1-3 dərəcə arasında, hovuzun istiliyinin isə 4 dərəcə olduğunu bildirən Avcı deyib: "Üzərkən əllərimiz, çənəmiz ağrıyırdı. Soyuğa öyrəşmək üçün çox çalışmaq lazımdır. Normal məşq hovuzları 25 dərəcə olduğu halda, bu filialda 3-4 dərəcə eyni performansı göstərməliydik. Əgər siz əqli və fiziki cəhətdən hazır deyilsinizsə, bu çox təhlükəlidir.

  Fevralda Yeni Zelandiyadakı "Kuk boğazı" (Cook Strait), martda Tallinndə keçiriləcək Dünya Buz Çempionatına gedəcəyəm. Qarşıda gərgin bir mövsüm var. Yarış qaydaları adi üzgüçülükdən fərqlidir. Su çox soyuq olduğu üçün tullanmaq əvəzinə suyun içindən başlayırıq. Sault dönüş edə və suyun altından gedə bilmirik. Əllərimiz yaş olduğu üçün buz tutmasın deyə taxta pilləkənlərdən istifadə edirik. Biz ətraflı sağlamlıq yoxlamalarından keçirik”.

  İngiltərə ilə Fransa arasında Manş boğazını ən sürətli üzən türkiyəli qadın olan ultra marafon üzrə üzgüçü Bengisu Avcı bu prosesdə ona dəstək olan komanda yoldaşlarına da təşəkkür edib.