Taha Akgül 9-cu dəfə Avropa çempionu oldu

Milli güləşçimiz Taha Akgül Macarıstanın paytaxtı Budapeştdə keçirilən güləş üzrə Avropa çempionatında 125 kq çəki dərəcəsində sərbəst güləş üzrə finalda karyerasında 9-cu dəfə Avropa çempionatına yüksəlib.

125 kq-da iki güləş nəhəngi Taha Akgül və gürcü idmançı Geno Petriaşvili mübarizə aparıb.

Dəfələrlə bir-biri ilə yarışan iki idmançının rəqabətində uğur Taha Akgülün olub.

Olimpiya çempionu milli atlet, Petriaşvilini 5-2 hesabı ilə məğlub edərək karyerasında 9-cu Avropa çempionluğunu qazanıb.

92 kq-da gənc idmançımız Feyzullah Aktürk finalda bolqarıstanlı Əhməd Bataevlə üz-üzə gəlib.

Bir neçə həftə əvvəl 23 yaşa qədər çempion olan idmançı böyüklərdə də eyni uğuru göstərib.

Rəqibini 6-1 hesabı ilə məğlub edən Aktürk ilk dəfə qatıldığı tədbirdə çempion olub.

Avropa çempionatlarında Türkiyenin 100-cü qızıl medalını qazanan Feyzullah Aktürk xalça üzərində Türkiye bayrağını qaldırıb.

61 kq-da Süleyman Atlı finalda erməni Arsen Haruyunyanla üz-üzə gəlib.

Rəqibini 15-3 texniki üstünlüklə məğlub edən Atlı gümüş medal qazanıb.

86 kq-da mübarizə aparan Osman Göçen 3-cü yer uğrunda görüşdə israilli rəqibi Uri Kalaşnikovu məğlub edərək bürünc medal qazanıb.

Bu nəticələrlə Sərbəst Güləş Milli Komandamız komanda hesabında 141 xalla Avropa ikincisi olub.

Təsnifat yarışlarında iki idmançımız irəli çıxıb.

Qadın idmançılarımız Evin Demirhan Yavuz və Yasemin Adar Yiğit finala yüksəlib.

Almaniyalı rəqibini 11-2, rumıniyalı rəqibini 8-5 hesabı ilə məğlub edən Evin Demirhan Yavuz finalda bolqar Miqlena Selishka ilə qarşılaşıb.

Olimpia üçüncüsü, Dünya çempionu və 4 Avropa çempionu Yasemin Adar Yiğit isə finala qədər rahat addımlayıb.

1/4 finalda bolqarıstanlı rəqibi 10-0 texniki üstünlüklə mübarizədən kənarlaşdırıb. O, yarımfinalda ev sahibi Macarıstan idmançısı Berdanet Nagy-ni 42 saniyədə məğlub edib.

Ay-ulduzlu idmançı finalda estoniyalı Epp Mae ilə qarşılaşıb.

Çempionatın 4-cü günündə Evin Demirhan Yavuz və Yasemin Adar Yiğitin final yarışları ilə yanaşı idmançılarımızdan Bedia Gün də 3-cü yer uğrunda görüşdə isveçli İlona Berqmanla qarşılaşacaq.

Qadın güləşçilərimizin çempionluq və bürünc medal görüşləri "TRT Spor Yıldız" ekranlarında olacaq.