“Başakşəhər” mәğlub oldu

Avropa futbolunun  klub seviyyәsindәki  әn önәmli  tәşkilatçılığının A, B, C və D qruplarındakı matçlardan sonra 1/8 finala son 4 vəsiqənin sahibi müəyyənləşib.

Bir gün әvvәl yarımçıq qalan PSJ – “Başakşəhər” matçında böyükhesablı nəticə qeydə alınıb. Turnir cədvəli baxımından əhəmiyyətsiz qarşılaşmada fransa  komandası  5-1 hesabla  Başakşehiri miğlub edib. D qrupunun qalibi “Liverpul” özü üçün formal xarakterli görüşdə “Midtyulland”la heç-heçə oynayıb. “Ayaks” üzərində 1-0 hesablı qələbə qazanan “Atalanta” isə 1/8 finala vәsiqә qazanıb. Niderland klubu yoluna Avropa Liqasında davam edəcək.

Ötən mövsümün qalibi “Bavariya” A qrupunda növbəti qələbəsini “Lokomotiv” üzərində qazanıb. “Atletiko” da səfərdə “Zalsburq”u məğlub etməklə qrup ikincisi olub. Avroliqaya vəsiqəni avstriyalılar qazanıb.

B qrupunda “Real” Münhenqladbax “Borussiya”sı üzərində qələbə ilə 1-ci yeri tutub. “İnter”lə “Şaxtyor”  qarşılaşmasının  heç-heçə  nәticәlәnmәsi  Almaniya təmsilçisini də 1/8 finala daşıyıb. Ukrayna klubu isə Avropa Liqasında oynayacaq.

C qrupunda liderlər turu qələbə ilə başa vurub. “Mançester Siti” Marsel “Olimpik”inə, “Porto” “Olimpiakos”a qalib gəlib. Sonuncular 3-cü yerin sahibi kimi Avropa Liqasında oynayacaq.

UEFA Çempionlar Liqası qrup mərhələsi, 6-cı tur nәticәlәri:

A qrupu

“Bavariya” (Almaniya) – “Lokomotiv” (Moskva, Rusiya) 2:0

“Zaltsburq” (Avstriya) – “Atletiko” (İspaniya) 0:2

B qrupu

“İnter” (İtaliya) – “Şaxtyor” (Donetsk, Ukrayna) 0:0

“Real” (İspaniya) – “Borussiya” (Münxenqladbax, Almaniya) 2:0

C qrupu

“Olimpiakos” (Yunanıstan) – “Portu” (Portuqaliya) 0:2

“Mançester Siti” (İngiltərə) – “Olimpik” (Marsel, Fransa) 3:0

D qrupu
“Ayaks” (Niderland) – “Atalanta” (İtaliya) 0:1
“Midtyulland” (Danimarka) – “Liverpul” (İngiltərə) 1:1
H qrupu
PSJ (Fransa) – “Başakşəhər” (Türkiyə) 5:1