Wesley Sneijder klubunu dəyişir

Hollandiyalı yarımmüdafiəçi Wesley Sneijder Fransada çox qalmayıb. Mövsümün əvvəlində “Qalatasaray”ı “Nitsa”ya dəyişən ulduz futbolçu karyerasını ABŞ-da davam etdirəcək.

33 yaşlı oyunçu "Los Angeles Galaxy" klubu ilə anlaşıb. Cari mövsümün ilk dövrəsində “Nitsa”nın heyətində cəmi 8 oyunda meydana çıxan Sneijder  bu aydan etibarən “"Los Angeles Galaxy" nin formasını geyinə biləcək.

Qeyd edək ki, karyerası ərzində “Ayaks”, “Real” və “İnter” kimi klublarda çıxış etmiş Wesley Sneijder son 5 mövsümü “Qalatasaray”da keçirib.