Avropada elektromobil və hibrid avtomobillərin satışı kəskin artıb

Avropa İttifaqında (Aİ) elektriklə işləyən avtomobillərin ümumi bazarda payı bu ilin üçüncü rübündə 11,9% faizə çatıb.

Avropa Avtomobil İstehsalçıları Assosiasiyasının (ACEA) 2022-ci ilin üçüncü rübündə Aİ ölkələrində yanacaq növləri üzrə yeni avtomobil satışına dair  hesabatında bu barədə məlumat verilib. Bildirilib ki, avrozonada satılan avtomobillərin 37,8%-i benzin, 22,6%-sı hibrid, 16,5%-i dizel, 11,9%-u elektromobil (BEV), 8,5%-i isə hibrid (PHEV), 2,5%-i digər yanacaqlar və 0,2%-isə  təbii qazlı olub.

Üçüncü rübdə əvvəlki ilin müvafiq dövrü ilə müqayisədə elektromobil avtomobil satışları 22% artaraq 259 min 449, hibrid satışları isə 6,9% artaraq 492 min 11 ədəd olub.

Bu da göstərir  ki sözügedən dövrdə Aİ ölkələrində elektrik və müxtəlif hibrid avtomobillərin bazarda ümumi payı 43% faizə çatıb.